中國大媽行山爬上松樹頂跳舞 | 網民: 損毁國家財物

近日 Facebook 流傳短片，一班國內行山客到懸崖邊嘅松樹拍攝大合照。呢種松樹，喺國內嘅名山大川甚為常見，當中以黃山嘅迎客松最為聞名，但短片裏面一名身名穿紅衣嘅大媽，竟然爬上松樹樹頂，跳舞擺出各種姿勢，期間一度轉動身體。

原帖並無說明拍攝地點，不過睇片都覺得位置相當危險，松樹後面就係一望無際嘅雲海，可想而個佢哋身處位置係高海拔地方。

唔少網民睇到大媽所為之後大表不安，唔係笑大媽嘅舞姿，而係佢嘅位置真係好危險，萬一佢失足或松樹折斷，咁就出意外了。

亦有網民頭腦清醒，指出呢啲松樹有一定歷史，話大媽嘅行為係破壞國家公物，有損公德。