12月4日，漁護署發表最新一星期嘅「大棠紅葉指數」，四級裏面排第三級，係黃色。
不過另一邊廂，元朗區議員 十八鄉西 司徒博文 就話:
----- 廣告 Ad -----
【大棠紅葉指數＝0】傳俾親朋戚友，大棠綠悠悠一片，冇紅葉呀！濾鏡嚟㗎咋🤭 大家唔好嚟大棠了!
去少一年唔係損失
漁護署梗係唔會報錯料，但區議員亦唔係色盲。區議員之所以咁講，純屬曲線，皆因大棠一帶嘅街坊，每到12月同1月都好頭痕，事關出入大棠道路狹窄，只有一條雙線雙程馬路來往元朗市中心，平日居民已飽受塞車之苦，紅葉季節因為太多遊客，多咗小巴、巴士，部份路段更要封路，居民要出門要經歷萬水千山。
事實上，疫情嚴重，大家都應該緊守防疫措施，無謂逼車逼人去睇紅葉，而且楓香林位置唔大，可以係傳播病毒溫床。更加唔應該將自己快樂建築喺居民身上。
咁不如真係接受司徒議員嘅呼籲，上網睇紅葉啦。
附: 大棠紅葉交通安排
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。