救援人員全副保護衣登山營救，台灣網民聲討疫下行山累人累物

台灣疫症大爆發，但登山活動仍然熾熱。最近IG有短片揭示救援隊在疫情之下嘅救援情況，引起爭議。

在 Instagram 查看這則貼文

 

陶晶瑩（@momoleelee）分享的貼文

短片記錄救援人員上山救人情況，片中一名登山客因體力不支，要五六名救援人員以擔架抬落山。不過因為疫情，救援人員要穿著全副防疫裝備，由口罩、白色長袍，以至膠手套、面罩。發佈者話有救援人員行到中途已力有不逮，要停低休息。

好多台灣網民就感激救援人員嘅盡忠職守，但亦有唔少人指責登山人士，話疫情之下唔應該不自盡力行高山，仲要call救援人員營救。更重要就係，疫情咁嚴重，唔應該四圍去。