曾志成曾朗傑父子登頂後回到 camp 2 圖: 登山達人
香港登山父子檔曾志成、曾朗傑，前後用咗約20小時，成功攀上8,848米珠穆朗瑪峰，成為第一對登上世界第一高峰嘅香港父子。佢哋於攻頂後第二日，已經安全抵達5,150米珠峰基地營，一切安好。
至於第二小隊，攀石教練「黃師傅」黃炎良同太太何淑珠，亦已喺基地營準備，天氣許可嘅話，會喺15或16日開始登山，向珠峰進發。如果黃師傅黃師母成功登頂，將會刷新「香港最年長登上珠峰攀山者(69歲)」及「第一對登上珠峰的香港夫婦」。
僅祝山上諸位平平安安，旅程順利。
