近年(即係今年)小弟終於明白，毅行者真正要鬥的不是速度，而是補給與「續航力」。小弟初接觸越野跑時，年少無知，滿以為自己跑得快好世界。比賽時常虎頭蛇尾，頭段逢人過人，中段「the」皮，比賽尾段有如逆水行舟般，死熬返終點。睇番D比賽ranking 次次由雙位數跌番落3位數收工(e.g. 上年Totem 最高為64 >衝線時234)。
早前讀過一篇教父KK嘅分享，佢講「快係失敗嘅開始，慢先係成功嘅源頭」，當時明白呢個道理，但直到近半年才終於有所頓悟，理解到「續航力」的重要性，跑得快~好大機會死得仲快。
而大多數人毅行中段剪帶的原因，除左「操練不足」係主因外，多數就係身體overused「爆」左，食唔到野，一食野就嘔，身體無法補給，自然「死火」。
或者用一個較科學/數學嘅方式解說一下 * (Concept fr. my非苦隊長William):
----- 廣告 Ad -----
- 你訓醒起身，身體尚存有500卡路里
- 一般食個早餐有1500-2000卡路里
- 1個小時約消耗300-400卡路里
圖: (唔知大家睇唔睇得明個表)
相信去到CP要食野補給大家都會做，但為何都會有師兄成日會食唔到野，或者「爆」左，反胃，嘔…etc。大家從Runner A 圖表可以有個慨念，其實如果身體存有嘅卡路里已所餘無幾，身體已經無足夠能量去幫你消化，其實人得番5, 6百卡已經差唔多可以收工，等到肚餓先食野，已經係「Fxxxxxg」Too Late，所以你會:
食唔落野>反胃>嘔>體溫下降>頂唔順>剪帶
其實較好嘅方法係每小時為自己補給，將身體維持係有1000卡路里存貨以上，一般Power Bar 有約150卡，Power Gel 100卡。所以最重要係紀律性，訓練自己習慣每小時補給，將自己嘅身體維持一個良好嘅狀態。當然除左Bar，Gel外，仲有其他補給品需要配合。
補給，不停的補給
另外一個天敵就係「抽筋」! 相信10個有9 個毅行者都有機會「賣老抽」， 想預防或者減輕「抽筋」嘅機會，又有乜補給需要呢? (嗱! 利申先，係講緊*預防或者*減輕，無包單話跟左就一定唔會抽。) 「抽筋」建議大家可以食鹽粉+ 電解丸，可按天氣/自己嘅出汗量去衡量自己點食。
左上而下(我的補給5寶)
Power Wafer+ Waffle + Gel + 鹽粉+ 電解丸
小小分享: 以剛剛完賽的圖騰跑為例(時間9小時51分)，小弟共「隊」左8包Gel+7包鹽粉+6粒電解丸+ 每個CP x 2條香蕉 +1塊面包 +自帶的「華X結」飯團x 2。(但仍然係餓著衝終點)
----- 廣告 Ad -----
最後，重點!!! 大家食Gel定Bar都好，一定要係比賽前搵到一隻你接受到嘅口味，不妨係練習時多試下不同口味搵一隻你最愛嘅，千萬不要比賽先黎試，切記!!!!!!!
搵到最愛就要大手入貨 (感謝應屆針山十登第4名借出雙手拍攝)
更多：
Fitz.hk Facebook專頁
[毅行前試煉] 圖騰跑
每位山友身邊總有一位……裝備L
[真·龜兔賽跑] Tailwind Trail Chase 2016
識揀，一定係揀跑「山」女做女朋友
壞人 [email protected]
Fitz Running 跑步
本文屬作者意見，不代表Fitz立場。
