71歲伯伯 Braithwaite How 早前去到英國湖區 (Lake District) 行山兼放狗，點知突然路上癲癇發作暈倒。同佢一齊行山嘅兩隻狗，一隻拉布拉多，一隻金毛尋回犬，即時狂吠求救。不過伯伯仍然不醒人事，兩隻狗狗就分工合作拯救主人。
金毛尋回犬就守候伯伯身邊，希望等到佢自己甦醒。至於拉布拉多就沿路找尋其他行山人士。結果喺山徑遇到一名婦人，婦人聽到狗吠聲有異樣，就跟住拉布拉多行返去事發地點，報警將伯伯送去醫院。
負責拯救嘅救護員話，佢做咗救護工作十幾年，都未遇過呢類咁神奇嘅事，呢兩隻狗無受過訓練，都可以做得咁出色，相當令人讚賞。至於伯伯入院檢查後無大礙，可以繼續行山。
資料: BBC
----- 廣告 Ad -----
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。