父母帶住小朋友行上山賞雪
早幾年，大批香港人為咗上山睇霜，搞到大帽山大混亂，勞煩消防員冒生命危險救人。最近杭州大明山亦湧入大批遊客上山睇雪，造成大混亂。
今年2月中浙江一帶落起大雪，著名賞雪勝地杭州附近嘅大明山，有來自杭州、上海、安徽等近萬名旅客由各條公路湧入山區，令交通擠塞，人山人海。
----- 廣告 Ad -----
2月20日，賞雪人潮達到最高潮，著名景點百丈嶺、太子尖、清涼峰等，變得人聲嘈雜，人潮由山上一直延伸至山頂。當地社區隨即搵埋民警、交警、村鎮幹部，以至村民協助維持秩序，避免意外發生。有人甚至拍攝到，有大人孭住幾個月大BB上山，令人心寒。據報有遊客在山上失蹤，要勞動救援人員上山搜救，最後成功將山客送落山。
好彩，經當局落力宣傳，以及加派人手上山截龍，之後幾日旅客秩序大為改善。警方話，由農曆新年開始，大明山人潮從未停過。呢大半個月已經有幾宗遊客失蹤事件，可幸未有遊客受傷。
資料: 新浪網
