[行山安全] 擅闖練靶場罰款$5000 行山前要留意公佈

香港有兩個軍事練靶場，「青山靶場」及「大嶺靶場」。依照法例，任何人擅闖軍事用地，都有機會被檢控，而呢兩個練靶場因為位於熱門行山路線，唔少人都會誤闖。

青山靶場

「青山靶場」位於青山以西山地，「青山靶場」連同「青山操炮區」為香港面積最大軍事用地，範圍南至小冷水及龍鼓灘，東至屯門新市鎮，西至白泥而北面則是鰲磡沙，營地則設在上白泥，係著名山徑杯靈雙渡必經之路，山徑可達上白泥、流浮山，以及洪水橋廈村。

2017年，解放軍於良景入口貼出告示，要清理區內非法農種。此外，閘口不時有軍人駐守，外人不得擅進。

新圍 / 大嶺靶場

位於新圍軍營以北，上水華山一帶。華山係新界北區熱門行山徑之一。

小心誤闖留意政府公佈

政府每月都會公佈練靶場情況。如果當日有練靶訓練，任何市民不要行近。公佈方法有三:

1. 網上政府公告

2. 靶場豎立紅旗

3. 每朝早上約7時，於電台廣播

誤闖可罰$5000

靶場屬駐軍軍事設施，受到法例保護。未經駐軍許可，任何人不得進入靶場，否則一經《簡易程序定罪》，可被罰款5,000元及監禁兩年。駐軍提醒市民，靶場範圍經常有實彈射擊訓練及演習，地勢非常險要，市民不應擅闖禁區或作任何未獲授權活動。

政府已經七十年代呼籲大家遠離靶場，所以如果有練靶訓練，大家都係唔好走近。