水塘無晒水，牛牛落晒去食草
近日各個水塘存水量唔算多，整體存水量只有65.72%，水塘某些地方更加「見底」，唔少郊遊人士會趁機走入水塘行下。
筆者早幾日去咗城門水塘，就見唔少人落咗水塘玩。有小朋友追住啲牛影相；有攝影師同一對新人影緍照，有人甚至一家大細野餐。
見到石罉有呢啲貝殼類動物，顯示之前呢到有水
香港難得有大幅草地，唔少人都會忍住落去行下，不過在此提醒大家，香港水塘始終係為市民提供飲用食水，所以所有水務設施，包括水塘、引水道、集水區，以至水塘一帶嘅溪流，絕對唔應該污染。
----- 廣告 Ad -----
當大家明白到走入水塘游水，喺集水區煮飯，喺引水道大小二便有幾黑人憎，同一道理，大家走落水塘影相，亦會污染水塘設施，更可能犯法。
行水塘，大家跟住呢啲林道行就好。
根據水務署資料:
《水務設施條例》第30(2)(a)條，任何人進入構成水務設施部分的水中或在其中浸洗或沖洗；第30(2)(b)條，任何人沖洗動物或導致或准許任何動物進入其中；以及第30(2)(c)條，任何人拋擲或擺放任何物件於其中，均可被檢控。一經簡易程序定罪，最高可處罰款五萬元和監禁兩年。
----- 廣告 Ad -----
資料: 水務署
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。