大陸近年越野賽發展蓬勃，唔少賽事得到大型品牌贊助，更取得國際認可。不過，雲南舉辦嘅 iTRA 賽事「烏蒙山超級越野賽」，就有選手中途喪命，令賽事蒙上陰影。
500公里山區難以救援
「烏蒙山超級越野賽」分為330公里、450公里及500公里組別，當中500公里更屬於全中國最長距離賽事，限時200小時，大約8.3日。賽道要越穿雲南山區，以及雲貴川三省河川大峽谷，總爬升超過20,000公呎，100%路況屬於原始山徑，正價報名費高達人民幣19,999，參加名額只限60名。
----- 廣告 Ad -----
按圖放大
今年賽事於5月1日展開，至5月4日，一名楊姓選手早上10:00時被發現出現失溫徵狀，有幻覺和「安然入睡」。大會聲稱及時到現場搶救，但由於遇上山泥傾瀉，擋住前往醫院嘅道路，至下午4時傷者去世。
按圖放大
事發後有人發現當局聲明矛盾重重，質疑救援人員嘅做法。最明顯就係，明明知道傷者係「失溫徵狀」，但竟然判定佢係「安然入睡」，質疑因為救援人員誤判而延誤救治。(失溫其中一個症狀係昏昏入睡。)
事實上，睇返賽事路線涉及範圍甚廣，山徑難行，係咪每一段路都有足夠救援人員候命? 沿途嘅醫療設施又係咪足夠呢? 呢次意外，確實令唔少有意參加大陸山賽嘅跑友蒙上陰影。而 iTRA 等國際認可機構，亦需要全面檢討呢類山賽嘅安全情況。
資料: 微博
