----- 廣告 Ad -----
農曆年長假,唔少人都去露營。呢位師兄玩走營不特止,仲要喺72個鐘走晒成條麥理浩徑100公里。其實翁國文師兄喺上年聖誕期間已經成功逆走麥徑,呢次順走,一樣令人嘆為觀止! 以下是翁師兄在香港行山遠足之友(吹水山谷) Facebook 群組帖文,授權原post轉載。
目標72小時完成,裝備重量15Kg,包括衣服, 露營用品,水兩公升半,食物。(食物預多咗一日)
年三十晚食完晚飯出發,去到西貢麥徑起點23點30分,打卡拍照,準備倒數出發。這個時候有人坐的士來起點,睇佢裝備來露營。
同佢打招呼後,原來佢目標同我一致, 於是乎我們決定同行。 之前我仲擔心帶咁多揮春拍照有難度, 真係天助我也😁
----- 廣告 Ad -----
第1日 00:01至16:00
初一,00時01分出發。
夜間行麥徑真係別有一番風味,過左大浪西灣,天色開始光,我地快步上山揾個有利位置希望睇到日出。 落到鹹田海灘,當然唔少得去橋位打卡, 順便系士多坐低休息食早餐,原來士多正常營業,可惜太早未開店。
去赤徑原路都有背包友同一方向行,聽言語全都系大陸人, 溝通唔到,所以打個招呼就走啦! 唔知佢地係唔係都係全走麥徑呢? 可能過年關係,好少見到香港人行山。
15點30分行完第三段系燒烤塲洗手間補給裝爆水,打算上昂平扎營。這個時候背包比之前重好多。
過馬路第四段出發,上斜路,唔上由知可,一上就大Q鑊,去到直升機坪位,已經感覺到對腳冇力再上,可能行左十幾個鐘,再加上裝爆水,背包比之前重,體力已經到極限,所以決定水浪窩落營早D休息,明早再戰。
----- 廣告 Ad -----
第2日 09:00至19:30
訓醒覺體力返晒來,可惜天氣不佳,有霧,有微雨,狼狽地收拾行裝食早餐,09點00分水浪窩出發。ㄧ路上山,有時微雨 ,有風,大霧能見度ㄧ路少,由開頭30米左右去到山頂只有10米左右,到左山頂風速超大,(背包重量發揮作用,無佢我可能吹走! 講笑勿插)
過左昂平高原,風同雨都開始無,由於霧同雨水,地面大部份都系石塊路,濕滑程度比較高,所以步伐不能加速。(當然我對鞋係傳說中嘅抓地王, 對於呢啲路面絕對應付得綽綽有餘。不過意外啲野好難講,都係小心為上) 到飛鵝山觀景台,天氣開始晴,望到高樓大廈,落到獅子亭士多大休補給。同行者原來無上過獅頭,所以決定同佢上獅頭觀摩一下,打下卡。由於開頭天氣不佳不能加速同上獅頭打卡浪費左時間,所以只能去城門水塘落腳。到目的地已19點30分!
第3日 08:00至20:30
08點00分城門水塘出發。 距離72小時仲有16小時, 仲有四段要行,平均每段要用4小時,條數小學一年班都識計。
當然無咁簡單,因每段里數都吾同。四段加起37公里,我就當40公里計,平均4小時要行10公里。1小時要行2.5公里。聽起來又好似好簡單。
講真尾段呢37公里真系好辛苦,尤其是到左第十段田夫仔營地想放棄留多一晚。
本來時間以我估計無咁快完成,因大帽山有賽事,我和同行者貪玩,系四方亭上大帽山 塔頂段先由同行者不時跟跑手同步,而我就負責落山段,當然只系一小段時間跟到。到左蓮姐到,望望時間14點00分我地用左6小時完成針,草,帽。大休1小時後再起程。
我地用慢步速向終點出發。其實系21點00分先去到終點位,只系我地八掛,同警察傾計,睇消防員上山救人,耽誤咗三十分鐘,所以扣減,話20點30分完成。😁
在此多謝各位師兄,師姐們,點贊,留言鼓勵和祝福, 每當我, 體力, 意志力 ,下降時, 我就會攞出電話睇你地留言。我就馬上 叉滿電一樣,能夠68小時30分完成, 你哋功勞不少。全走麥理浩徑過程有曬我向你們祝福語,
----- 廣告 Ad -----
祝大家新年快樂!
原文發表於香港行山遠足之友(吹水山谷),鳴謝翁國文授權轉載,更多謝翁兄送給大家的新年祝賀。
奉翁兄籲,各位請愛護郊野,自己垃圾自己帶走!
更多:
Fitz Facebook專頁
[Lonely Planet推介] 香港6條最佳郊遊行山路線
[歷史一刻] 山野汽水機禁絕樽裝水
Fitz 行山 Hiking