上面呢張通告，喺網上流傳咗幾日。通告內容，就係話屯門青山練靶場，屬於解放軍嘅軍事用地，平民百姓不得內進！
當時見到呢份通告，原本以為只係有關方面宣示一下主權，未必有咩實質行動。不過，根據傳媒報道，事情又唔係咁樂觀。
《香港01》就引述解放軍回應，表示：
「已定於本月24日起清理軍事禁區內的非法耕種。青山靶場是駐軍軍事設施，屬法例列明的軍事禁區並受到保護。未經駐軍許可，任何人不得進入靶場，否則可經《簡易程序定罪》，可被處罰款5,000元及監禁兩年。駐軍提醒市民，靶場範圍經常有實彈射擊訓練及演習，地勢非常險要，市民不應擅闖禁區或作任何未獲授權活動。」
----- 廣告 Ad -----
報道仲引述大律師嘅講法，話「明知並越過警告牌及鐵絲欄，就等於擅自進入禁區，即屬違法。而在禁區範圍內的耕種所得及一切財產，解放軍都有權處置。」
青山練靶場範圍甚廣。南起屯門小冷水，北到元朗上白泥
幾家傳媒嘅報道，亦同時指由4月24日開始，解放軍會清除練靶場嘅非法耕種。至於練靶場入口嘅大閘會唔會加強警戒，唔畀人入去？暫時又未有消息。
圖：阿寶@重行人生
幾十年以嚟，無論英軍以至解放軍時代，青山練靶場確實係軍事用地，間中都有操炮訓練。市民亦習以為常。朝朝七點，大家喺收音機都聽到有關公告。而山友亦知道幾時行，幾時避，軍民之間相安無事，完全體現到軍民同樂，軍隊不與民爭利嘅良好「傳統」。
圖: Fitz資料圖片
其實當年英軍仲會協助毅行者，甚至動用軍用直升機為市民打氣。中國人民解放軍以「人民子弟兵」自居，絕對唔應該差過英軍！希望有關方面好好考慮喺非訓練時段，開放練靶場畀市民行山。
----- 廣告 Ad -----
如果唔係「杯靈雙渡」呢條經典行山考牌路線，就成為絕響！
更多：
Fitz.hk Facebook專頁
周末短遊新界群山 青山小峽谷
[重行人生] 負重徒步杯靈雙渡
[行山考牌路線] 杯靈雙渡
Fitz Hiking 行山
