圖: Eric@八十後的光怪陸離
香港三尖，釣魚翁、蚺蛇尖、青山，各有特色。釣魚翁平易近人，可說係入門級。蚺蛇尖係登山界嘅神殿，一般人只能遠觀。至於青山，講路程屬三尖中最短，八成道路仲係石屎路，但因為斜度極大，可謂「好睇唔好食」，體能差啲都未必頂得住。好彩中途可遊覽歷史悠久嘅青山寺，可以稍作休息。
要注意嘅係，青山一帶山徑風化嚴重，山徑多為碎石鬆軟路面，離開石屎後務必小心，在計算步行時間亦要因應現況情況。
- 路線: 輕鐵青雲站落 > 興才街 > 揚青路 > 青山寺徑 > 青山寺 > 直上山頂 (掉頭)
- 距離: 約5公里 (來回)
- 需時: 1.5至2小時 (不計中途休息)
- 難度: 3星 (5星最難)
----- 廣告 Ad -----
注意
- 由山腳至青山寺的青山寺徑為石屎馬路 (單線雙程)，中途亦有汽車掉頭處。真係扶老攜幼想一遊青山，亦可自駛或搭的士至山腰
- 過咗青山寺之後，有「不准進入」的告示牌，可依山路而上至山頂發射塔。但路徑危險，小朋友老人家避免上頂
- 登頂後，往西行可至良田坳，落良景邨以至下白泥；往北走，可到達蝴蝶邨。但要注意路徑俱為鬆軟碎石路，且山徑不明顯
青山寺入口，青山禪院其實位於青山山腳。
青山歷史
屯門青山最見嘅記載，就係魏晉南北朝時代，有一位高人叫「杯渡禪師」，據講佢可用隻杯去渡海。禪師見到呢座青山好有靈氣，就係山上面坐禪，最後得道成佛。後人喺上址興建「青山寺」。而青山古時有人亦稱為「杯渡山」。政府發展屯門新市鎮，亦以「杯渡路」紀念呢位屯門偉人。
Fitz連結: https://fitz.hk/?p=110669
更多:
Fitz Facebook專頁
[香港三尖] 西貢 蚺蛇尖
[香港三尖] 釣魚翁入門篇
周末短遊新界群山 三尖之一青山
Fitz Hiking 行山
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。