[鴨脷排街渡停駛] 行山客抱怨: 行唔到返去點算

鴨脷洲鴨脷排碼頭，星期六發生街渡爭客事件，兩艘懷疑無牌經營嘅街渡，喺碼頭對出海面追逐並相撞。海事處於星期日派員到上址巡邏，街渡停駛。有傳媒報道指鴨脷排碼頭有多達50名遊客等船，需要原路折返鴨脷洲。

鴨脷排街渡爭客互撞

隨著港鐵港島南線開通，鴨脷洲嘅玉桂山嘅亦成為行山熱點。由利東站行上玉桂山，可在低潮時行過鴨脷排，抵達鴨脷排燈塔碼頭。由於遊客甚多，有不法船家就自設街渡航線往返鴨脷排及鴨脷洲大街。

呢次街渡停駛，滯留喺碼頭嘅遊客對記者話，身上糧水所餘無幾，而且「已經筋疲力倦，你叫人點行返去?」

「點行返去?」

其實，由港鐵利東站行去鴨脷排碼頭，路程不足2公里，一般人需時大約2小時。不過山路崎嶇，亦要上落兩座約196米高嘅山。對於平時無做運動嘅市民，呢條路確實唔容易。但係講到「行唔到返去」，就似乎有啲誇大其詞。

鴨脷排碼頭

玉桂山、鴨脷排 圖: Kaihin

一條唔夠2公里嘅路，如果唔係因為受傷或天氣，只要肯沿原路掉頭，要行返去絕對可以，有齊呢啲裝備就包無甩拖:

1. 飲用水: 4公里路，每人1,000毫升，20度氣溫，應該足夠。
2. 認到路: 既然係原路回頭，點都記得頭先行過嘅路啩
3. 電筒: 就算行得慢，行到天黑，咪開電筒照住囉

當然，如果行山前有所規劃就最好。

所以話，開口埋口話「行唔到返去」，要「中途撤離」嘅人，應該係心理上同生理上都無足夠準備。

報道: 蘋果日報、香港01