日本興起「單獨露營」一人前享受郊野

喜劇演員齊藤健一令單獨露營備受關注

日本《讀賣新聞》早前引述官方數據，指日本全國入口帳篷創歷年紀錄，總重量高達十萬噸，進口額達118億日元，分別係2019年嘅1.3倍及1.4倍。報道訪問咗露營用品經銷商，佢哋表示疫情令日本興起露營熱潮，除咗家庭露營用品大賣，「一人前」嘅露營活動亦相當流行。

有雜誌以 “Love Solo” 為題，推廣一人活動

日本的「單獨露營」潮流

日本社會活動都有「一人前」嘅風氣，鐵板燒、火鍋都設有「一人前」套餐。疫情之下，日本人開始擁抱郊野，享受露營活動，最後發展成為「單獨露營」。

早前喜劇演員齊藤健一 (のヒロシ) 發佈佢嘅「一人前」露營報告，令呢項集體進行嘅活動，突然多咗個玩法。唔少人發現，「單獨露營」好處多籮籮，可以一個人於郊野獨處，靜靜享受寧靜以達心靈滿足之餘，並且磨練個人求生技能等。

日本的一人前露營裝備

----- 廣告 Ad -----

日本人出名著重細節，「單獨露營」嘅裝備同規矩都一定要求:

• 裝備以超輕量為目標，單人營幕、煮食用具必不可少，甚至露營唔煮食，即食食品都可接受
• 營地要有咁偏僻得咁偏僻，最好成個山頭都唔好有其他人。不過隨住「單獨露營」成為熱潮，有私人營地亦劃有「獨家村」，方便新手可以「私自露」。
• 「單獨露營」遇到其他營友，都唔會主動交談，以不打擾其他人為原則
• 露營唔一定要行山，「車中泊」都相當受歡迎

車中泊

有人認為，「單獨露營」可以話係以消極方法，去對抗密不透風嘅防疫措施，因為一個人於荒山野嶺孤獨露營，就唔使戴口罩唔使量體溫，可以無拘無束享受生活。

提醒: 香港環境所限，單獨露營有一定風險

資料: 讀賣新聞、Vogue Japan、民視新聞