荃錦營地 圖: 漁護署
網上露營 group 經常有人詢問營地實況，遲下大家去露營可能唔怕無位，因為漁護署將推行「營地預訂服務」，到時搵到有位先去露營，就唔怕去到要搵罅攝。
漁護署署長梁肇輝於4月27日嘅立法會會議中透露，將推出「實名預訂營位」。訂位後，使用人需要喺營地核實身分方可「入場」。此外，亦會為境外旅客設上限，港人及境外人士各佔一半，預計可於今年內推出，暫時會在荃錦營地推行。
荃錦營地 圖: Google Map
----- 廣告 Ad -----
新聞出街之後，同時出現支持同反對聲音，大家各有理由:
支持
- 杜絕「營霸」、「村長」。營地要預訂先可以用，即係唔會有人可以長期霸住個營地，當係自己屋企
- 方便市民提早計劃，唔怕去到營地發覺無位
- 成為一個香港旅遊嘅方式，吸引更多旅客來港
- 需要由職員check-in，間接加強營地管理
- 相關措施採用咗實名制，理應可杜絕炒賣營地名額
灣仔南營地極受營友歡迎 圖: Google Map
反對
- 為境外旅客提供一半「免費」營地名額，忽略本地港人需要
- 因為露營設施由納稅人付費，所以應該係香港人優先，有位剩先畀境外人士
- 不反對要鼓勵境外人來港露營，但要先增加營地數目
- 外地人生活習慣與香港人甚為不同，有本地營友覺得十分滋擾 (如噪音、衛生問題等)
- 從貝澳、蝴蝶灣的預訂營地經驗 (康文署轄下)，好多時訂咗營地都會被人霸咗，在推行預訂措施嘅同時，更要加強執法
常被指境外旅客「生人霸死地」(霸住個營地後走咗去其他地區玩) 的貝澳營地 圖: 康文署
好彩漁護署署長最後都補充一句，呢個營地預訂措施都係試驗性質，無論係境外人士名額，定係執法嘅情況，都係萬事有相量。大家就等當局落實政策嘅細節，再畀意見佢哋啦。
資料: 香港01
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。