圖: 老hike
露營中，最開心地方都係煮同食。好多人平時唔入廚嘅，去到露營時都會顯一手，露兩手。甚至會煮啲平時完全唔會煮嘅菜式，老hike都鍾意煮食，分享下野炊經驗。
1. 包裝或膠袋先在家中處理
可以減少垃圾帶到郊外，以免做成不必要嘅垃圾問題
2. 部分食材可在家中先行處理
- 例如蘿蔔可以喺屋企去皮，切片，再用密實袋裝
- 意粉亦可先涮好，再過冷河入袋帶去
- 減少喺營地需要處理食材時産生嘅水源同㕑餘問題
----- 廣告 Ad -----
3. 調味醬油可以預先混合
有啲菜式如可能需要又老抽又生抽又紹興酒。無理由咁多支都拎去，其實可以預先喺屋企混合，再用藥樽或密實盒裝去。咁就唔駛拎咁重。
4. 餐單要因應地方而設定
部分營地不設污水穴，甚至無水源，無洗手間。依類營地就唔好煮用水多，食物殘汁多嘅餐式如打邊爐、湯烏冬等，以免用水過量或殘汁無法處理。
5. 爐具切忌放上枱面
因為一個唔好彩，唔係反煲咁簡單，係反爐，用gas都還好，用酒精或白電油就大鑊，隨時燒哂成個山頭。
6. 爐頭下墊上一塊薄鋁片
一黎防止爐頭凹凸不平，二黎唔駛煮餸時汁液滴落地下，惹蟻。
7. 廚餘要包好
垃圾最好分種，食飽最好即時處理，免得吸引啲飛黎。
8. 洗碗要用環保方法
茶籽粉
茶籽粉係油茶樹嘅果實黎，成份天然。
----- 廣告 Ad -----
去油力強。先裝餐具煲水滾一滾，再加茶籽粉落去捽，油漬就會去掉。
9. 餐具洗完要擺好
好多人第二朝左搵右搵啲餐具。通常本老hike洗完後，會放落網袋度，等第二朝太陽曬下，殺菌。
10. 垃圾最緊要掛好
依家啲牛牛、野豬、野狗等都會食人類食物。當大家訓咗，可能會過營區搵食，唔想第二朝執餐死就訓前掛好了。
圖: 漁護署
野炊係好玩，但同時要注意「安全性、垃圾處理」，咁先長玩長有。
老hike都去camp
80後老hike一名 對行山、露營有少許認識 Msr fans，極憎nh(世界第一) 為人暴躁，仇口多，方向感差，對攝影、電子科技係屬垃圾級別