漁護署於郊野公園的檢控
天氣轉涼後，不論新手或老手都蠢蠢欲動準備恤髮 (出發)，但鑑於政府已忘記營地 / 為防止人群聚集下，所以現時可以露營嘅地點係有一定限制的，今日本老hike分享下關於露營地點的現行法例。
郊野公園
香港現行的露營條例，係由漁農自然護理署(漁農署)負責，而露營地點的法例彰顯於第208A章《郊野公園及特別地區規例》內，其中第11(3)條 – 任何人不得在郊野公園或特別地區內露營或建立帳幕或臨時遮蔽處，但在以下情況下進行則除外:
- 按照總監所批給的許可證的規定；及
- 在指定露營地點內。
----- 廣告 Ad -----
喺依度清楚列明，香港「郊野公園及特別地區内」，係只可以喺指定41個露營地點露營，其他均屬犯罪，而鑑於武肺問題，指定的營地全部封閉直到另行通知，如非法使用被捉到的話，係需要上庭由法庭判決。
就以上條例，係只適用於郊野公園及特別地區內，咁如果唔喺郊野公園及特別地區內呢? 就要睇該地嘅管轄權屬邊個了。
泳灘及公園
以公眾泳灘及公園為例，係由康樂及文化事務署(康文署)負責，雖然無明確嘅條例列明露營犯法，不過發言人表明全部康文署轄下地方，除咗指定露營地點如創興水上活動中心等地方以外，一律都唔准露營，違者最高罰款HKD $2,000及入獄14日。
屋企樓下
咁喺屋企樓下嘅公園又如何?
屋村或屋苑公園大多數都係歸房署或管理處管轄，批唔批准就由佢哋決定，所以要問清楚。
收費場
因收費場屬私人地方，私人地方就如自己屋企天台一樣，正常係無問題，現時法律亦無規管經營收費營地，所以安全的。
路邊
唔想課金又想露營，求其搵個路邊又得唔得?
----- 廣告 Ad -----
Sorry 食物環境衞生署 (食環署) 及民政事務署會以阻街為由嚟掃你場，甚至破壞、沒收全部營具。
就以上例子已說明，現時露營只有私人地方、或收費營地係安全，其他都要冒被罰款的危機。現時露營已經同違泊一樣，唔想被抄牌、無位泊、被拉花呢，麻煩低調玩，否則只會攬炒大家一齊無得玩。
