天氣漸趨炎熱，即代表雨季開始來臨，所以今次分享下水戰後嘅 gear 需要點處理。
分享點處理 gear 前，先要分享「雨水」成份，因為雨水並唔係純水，雨水pH值大約5.6-6左右，如果近工廠嘅可能仲低，而純水pH值為7，換句話講，雨水係屬弱酸性水，所以水戰之後嘅 gear 全部都要用清水再清洗，如果唔想攪，建議唔好雨季恤髮。
雨季天氣變化莫測，有冇雨一切睇彩數，如果唔好彩撞中執野先黎落雨，本老hike會咁做:
----- 廣告 Ad -----
- Step 1. 先入營將細軟執好入背囊
- Step 2. 背囊蓋好 rain cover 後放置到天幕或簷蓬下
- Step 3. 將成個營移到天幕或簷蓬底拆除，並用大垃圾袋包好
- Step 4. 如有天幕，最後先拆除。
由此可見，雨季出門需要準備多一個垃圾袋及雨褸，以防萬一。
返到屋企要盡量將天幕及營拎出黎用清水清洗及抽濕！否則pu層會水解。清洗方法: 如果係 freestand tent 建議開營用淋花水壺噴一次先，再用乾毛巾抹乾後用抽濕機抽乾後收。non-freestand 就要掛被咁做，一定要乾哂先好收。
落雨收營最煩都係點整返乾佢，如果屋企有地方處理都比較好，如果無地方，真係要考慮應否雨季恤髮 (出發) 了。
老hike都去camp
80後老hike一名 對行山、露營有少許認識 Msr fans，極憎nh(世界第一) 為人暴躁，仇口多，方向感差，對攝影、電子科技係屬垃圾級別