[露營經驗分享] 致伸手黨: 做個負責任的營友

想當年，無得上網，知識同資訊大多要靠跟人去玩 or 去户外舖交流先得到。現時科技發達，足不出戶能知天下事，所以好多人都會選擇去討論區發問做伸手黨。但其實做伸手黨係非常之危險，因為….

1. 網友回應不負責任

依家討論區充斥住一班「新手扮老手，柒頭扮高手」，如果無足夠知識，根本分辨唔到對方係曲定直、建議實唔實用、甚至答案係咪對方係幻想出嚟。既然諗到上討論區發問，不如先問 Google，起碼啲專頁錯極有限先。

2. 被玩

有部份惡意網友，更加會出言不遜，甚至會粗言穢語，攪到自己受氣唔開心，同時又求唔到答案，何苦呢。

3. 浪費資源

一個討論區咁多post，如果個個問一個問題就開 post，就會將真正有用嘅分享覆蓋咗，令本身有個學習機會，就因為一個個明明可以 search 答案嘅問題 post 蓋過，導致討論區質素每況越下。

4. 需時長

一個問題，要有人睇到，同時睇到嘅人係識答嘅同時又肯答…..其實伸手，就係想快啲有專人回覆啫，咁攪法完全本末倒置。

有時真係唔怪得人咁討厭伸手黨，好好地嘅討論區，今日問浪茄有無水，聽日問營地開放未，後日問星期六灣仔多唔多人，而啲問題係重覆又重覆出現，真係會影響其他人嘅討論氣氛。

大家應該學習吓善用 search engine 或先從本頁嘗試尋找答案先，真係無嘅，先再上討論區請教師兄姐都未遲。

老hike都去camp Facebook專頁
老hike都去camp 網站