今年樂施毅行者，上次我哋公佈呢支毅行者「新鮮人」嘅隊伍名單：
- 王維寶 (阿寶)，28歲，今次Fitz Team隊長，剛完成徒步全長約4300公里的太平洋山脊步道 (PCT)，由墨西哥穿越美國西岸到達加拿大，為香港第一人。此外，在2016年年初，他也徒步1300公里環繞台灣一周。Facebook專頁: 重行人生 Walk Thru The Planet
- 徐滙宗 (阿宗)、李盛 (阿盛)，兩位23歲的長跑健將，完成大專課程，隨即遠赴台灣，以跑步的方式，環繞台灣一周，里程超過900公里。Facebook專頁: 90後環台跑一千公里的故事
- 溫梓貴 (Leo)，21歲，喜歡跑步、遠足，熱愛戶外活動。是次樂施毅行者，可以一嚐長途徒步的心願。有強勁隊友支持，100公里不是問題。
之後，有人即時回應話：
「佢哋唔係環台灣就係行PCT，咁都叫新鮮？」
我哋多次強調，樂施毅行者並唔係一般徒步活動，講求團隊合之餘，亦要熟悉香港山野。所以，呢支隊伍喺10月組成之後，每一課都以建立默契及熟悉路段目標。
呢一次操練，佢哋四位成員，就決定喺下午時份到第七、八段（針山、草山、大帽山）進行操練，嘗試踏上麥理浩徑最困難路段。
針山、草山，佢哋一行四人都順利通過。到鉛礦坳大休後，他們以極大決心挑戰全港最高峰！
可惜，踏過大帽山嘅亂石陣之後，喺大霧迷濛之下，佢哋終於遇到犯咗「毅行新鮮人」嘅低級錯誤：蕩失路！
佢哋竟然行行下，行番轉頭，沿番麥徑朝住鉛礦坳方向行！
好彩，佢哋亦及時發現，最後安全登上大帽山頂，到達荃錦坳完成。
經過呢次操練後，佢哋更加明白，行走山野絕唔能夠掉以輕心！
距離樂施毅行者仲有幾個禮拜，佢哋亦要加緊熟悉路線。而隊長阿寶就補充話：
「呢個時候，我哋更要加緊籌款！」
事實上，樂施毅行者嘅最重要目標，就係為扶貧出力。而Fitz Team亦希望可以藉住佢哋四位喺山野上嘅努力，為樂施會籌集更多善款。
佢哋嘅樂施毅行者捐款網頁已經啟動 (隊伍編號0470)，若果各位支持Fitz Team四位成員，以及支持樂施會嘅工作，希望能慷慨解囊。多多支持！
Fitz Team 籌款專頁: tr.im/FitzOTW2016
行山裝備提供: Re:echo
行山鞋提供: Merrell
毅行．傳承
Fitz.hk為樂施毅行者2016大會媒體伙伴
>
更多:
Fitz.hk Facebook專頁
[Fitz毅行者2016] 唔識死新鮮人 挑戰麥徑100公里
[毅行備戰] 系列
Fitz Hiking 行山
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。
