[再見垃圾桶] 少啲垃圾桶就會少啲垃圾?

一張圖片勝過千言萬語，少啲垃圾桶就會少啲垃圾? 呢張漁護署影嘅相，已經有晒答案了。

一年前，漁護署將5條郊遊徑嘅垃圾桶全部移走，市民要自己拎走垃圾。咁啱喺呢個時候，唔少行山友亦實踐「自己垃圾自己帶走」呢個做法。

政府就話移走垃圾桶呢個政策相當成功，話嗰啲地區嘅垃圾量，下跌7成到9成。其中馬鞍山郊遊徑收集到嘅垃圾，由每月差唔多250公斤，下跌至每月25公斤！

所以，政府話會喺2016年9月開始，再移走全部家樂徑同自然教育徑嘅垃圾桶，並會將全港郊野公園約500個垃圾桶，減少一半，達到約250個。

政府話，減少設置垃圾桶，就可以減少垃圾量喎。不過，喺人多嘅燒烤場，部份露營地點，咪又係成日見到一堆又一堆嘅垃圾，有啲仲係亂咁揼。

唉，啲人要亂揼垃圾，要無公德心，其實有無垃圾桶都一樣。

呢啲Case，有幾個垃圾桶都無用。

本文屬作者意見，不代表Fitz立場。