香港好多有人心為咗保護環境，都唔怕辛苦一路行山一路執垃圾。而台灣呢位行山客更進一步，行山發現屍體後，竟然將佢孭落山報警。
事發位置係宜蘭「武陵四秀」之一「桃山」，一名登山服務隊隊員單獨行到呢度，發現路邊有屍體。佢雖然立即報警，但留意到天氣不穩暴雨將至，恐怕雨水會令屍體腐爛，又擔心會有動物破壞，所以佢唔理禁忌，一個人將屍體孭落山下派出所。與此同時，佢又將消息上載 Facebook，希望盡快搵到死者身份。
最後，經媒體及警方發佈消息，終於搵到死者身份，並已聯絡家人。不過依照香港法例，發現屍體應該第一時間報警並交由警方處理，所以台灣呢個處理方法，香港並不適用。
----- 廣告 Ad -----
資料: 台灣蘋果日報
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
