高峰喬戈里峰 K2
被台灣媒體稱為「殺人峰」嘅世界第二高峰喬戈里峰 (K2)，近月新聞不斷。繼上個月先後有3名登山者遇難後，一支跨國籍登山隊嘅3位成員，亦於本月失踪。
呢3名登山者，分別係冰島嘅 John Snorri、智利嘅 Juan Pablo Mohr 同巴基斯坦嘅 Muhammad Ali Sadpara，佢哋喺本月5日同基地營失去聯絡。登山隊統籌表示，三人嘅 GPS 停止運作後，即時聯絡救援人員，軍方直升機搜索咗幾日，仍然搵唔到佢哋踪影。直到2月10日，因為當地天氣不穩，救援暫停。
負責呢次搜救工作嘅巴基斯坦旅遊局局長話，佢哋唔會放棄搜救工作，會喺天氣轉好之後繼續進行任務。
----- 廣告 Ad -----
其中一名失踪者，冰島 John Snorri (中)
今年逾60人試登K2
今年尼泊爾因疫情邊境封閉，反而巴基斯坦仍然開放邊境，山界掀起冬季挑戰攀登 K2 熱潮。根據巴基斯坦官方數字，踏入2021年已有四支登山隊超過60人，嘗試於冬季登頂。結果由尼泊爾登山隊於1月16日挑戰成功，成為首支冬季登越 K2 嘅登山隊 (其實為兩支隊伍合作)。
尼泊爾登山隊創人類紀錄
冬季攀登K2可說係挑戰人類極限，因為每年10月至2月 K2 山上環境極為惡劣，風速往往超過每小時200公里，溫度更低至攝氏零下60度，加上高山反應，人類難以在此長時間逗留。
資料: France24
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。