歷年毅行者起點都設於北潭涌傷健樂園側 (禁區閘口前)
[山雞按：「毅行備戰」呢個系列，想將毅行者嘅基本資料重新整理，山雞希望可幫到各位毅行新手啦。各位如果係毅行老手，亦歡迎同大家分享你行毅行者嘅經驗。]
毅行者檢查站及關閉時間（圖片來源：樂施毅行者網站）
第一段：北潭涌至大浪西灣（起點 — CP1）
標距柱：M001-M031
距離：約15公里
官方補給：萬宜東壩有水站；大浪西灣會派樽裝水。
特點：初段沿萬宜水庫而走（約10Km），路況甚好而平坦；進入麥徑二段後主要係石屎山路；最後爬過西灣山到達大浪西灣。
樂施毅行者官方地圖：
----- 廣告 Ad -----
注意事項：
1. 萬宜水庫路長而平坦，可說是熱門練跑地點（來回一轉啱啱半馬），有人會按捺不住跑住過水壩，但必需要衡量自己能力。記住：你仲有九十幾公里要行，十幾個山要上。若目標時間唔係20個鐘內嘅超能者，呢段路最好用嚟放鬆心情，檢查下物資（唔夠嘢仲可以Call支援隊幫手），同埋調較好衣物鞋襪。
條萬宜東壩咁闊咁直，但唔係超能者，都唔好諗喺度跑呀。
2. 若因心情緊張，熱身不足，或衣服鞋履不舒適，而身體出現有任何不適（如肌肉痛、關節痛等問題），必須立即停下來將問題解決（如拉下筋、較下鞋帶）。千祈唔好勉強死撐，以為行一排會無事。問題唔解決嘅話將會持續，呢啲問題會成為你未來幾十個鐘嘅惡夢。（小問題如鞋帶縛唔緊，會引發水泡，到時你就知味道。）
3. 初段往往人多擠逼，與其死衝爛衝爬頭，倒不如慢慢跟大隊，待有空間先過頭，以免浪費體力。
----- 廣告 Ad -----
東壩盡頭的補水站(並非檢查站)
4. 上西灣山為此段最困難路段。因為上山路段在中午後被太陽直接照射，加上地理環境令這裏沒有海風，悶熱異常。謹慎而行，緩步而上，反而可以做出好成績。
5. 這段檢查設於大浪西灣，而不是麥徑第一段的終點。不過這對參加者沒太大影響。
6. 這段要穿過浪茄沙灘，小心沙粒進入鞋中，有人會在腳穿上膠袋。
上西灣山一段，邊隊操得足邊隊hea住行，未到山頂已有分曉。
更多:
[炎夏行山] 救命法寶 降溫神仙水
[上山容易] 婆仔上樓級大法
山雞其他文章
Fitz Hiking 行山
