發生意外受傷的救援人員 Chris Lewis
英國中部湖區國家公園 (Lake District National Park)，早前發生嚴重意外，義務救援人員 Chris Lewis 為咗拯救兩名露營者，意外由高處墮下重傷，令唔少人齊聲譴責違例露營人士。
事發於2月6日，兩名露營人士由利物浦徒步往李斯特市，期間有人懷疑心臟病發，召援救援隊，Chris 接到任務後隨即與同伴趕到現場。不過，救人時 Chris 由150米高處墮下嚴重受傷，醫生檢查後發現 Chris嘅脊膸受損，未來日子難以站立行走，終身要坐上輪椅。
Chris 隸屬的 Patterdale Mountain Rescue Centre
----- 廣告 Ad -----
唔少居民聽到呢個消息之後，紛紛指責兩名露營人士違例進入國家公園。事關疫情之下，當局封閉國家公園，兩人違反當局禁令，被罰200英鎊 (約2000港幣)。但居民仍怒氣難下。
Chris 所屬嘅 Patterdale Mountain Rescue Centre 呼籲大家冷靜，話救援隊唔理求救人士有無犯法，總之有需要就要幫手。而呢兩名露營人士其中一人真係身患重病，情況相當危險，所以 Chris 嘅慘劇純屬意外，唔可以怪罪於其他人。
有居民激動之餘，亦身體力行為 Chris 打氣，有人發起網上籌款，為 Chris 籌募醫療同生活上開支，幫佢渡過難關。
事發的湖區國家公園
資料: BBC
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。