瑞士人 Cyril 同 Erik 日前去 Britsen 行山，佢哋凌晨4點半爬到大約海拔1200米休息時，忽然有隻貓仔走入佢哋帳幕，狀況非常不佳。
Cyril 同 Erik 二話不說，即刻照顧呢隻自來貓，仲決定帶埋佢繼續行程。佢哋一路都好擔心貓仔頂唔順，但係貓仔竟然完全唔怕辛苦，就算四隻爪被冰雪割傷，貓仔仍然好堅毅爬上山。而貓仔頂唔順時，佢哋會輪流抱住佢。
----- 廣告 Ad -----
好彩去到大概海拔10,000呎 (約3000米)，Cyril 同 Erik 遇到另一隊落山嘅行山隊，就將貓仔交畀佢哋帶落山。結果，落山之後貓仔搵返主人，大團圓結局。
Cyril 對於貓仔行雪山感到相當驚嘆，佢話:「貓仔雖然受傷，但佢嘅堅韌程度比人類更厲害。」
資料: Daily Mail
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。