馬鞍山村綠化帶擬建豪宅 郊野公園岌岌可危

特首於本年嘅施政報告，以七十字表示會保留郊野公園嘅環境:

「增加土地和建設優質生活環境並無矛盾，事實上，更充足的新增土地，將令我們更有條件保留郊野公園、承傳天然和文化遺產，以及解決舊區過份擠迫的問題。」

話口未完，有地產商配合我哋偉大特首呢個信念，申請於「綠化地帶」興建豪宅。

圖: 長春社

發展綠化地帶面積 相當9個足球場

政府早前公佈馬鞍山分區規劃大綱核准圖 (編號: S/MOS/23)，當中包括7幅綠化地，總面積約9.7公頃，相當9個標準足球場。呢個地區嘅林木都會因為興建道路及樓宇而遭斬伐。

發展範圍東至樟木頭村以東、西至馬鞍山村路。另外亦於馬鞍山村路上段的綠化地帶，興建「住宅 (乙類)」，即低密度住宅。最大問題係，發展除咗影響現時嘅馬鞍山村，建議改劃嘅綠化地帶，部份非常貼近馬鞍山郊野公園，若果今次改劃綠化地帶成功，其他類似的個案就更容易開綠燈。

位置圖

本地保育團體長春社，對呢項發展有好大疑慮:

1. 發展地區非常貼近郊野公園: 位於馬鞍山村路多幅綠化地帶與馬鞍山郊野公園的距離，只有10至30多米，當中改作水務設施用地嘅部分邊界更是與郊野公園界線重疊，若改劃成功，將成極壞先例
2. 發展規模極不配合: 四幅規劃作房屋發展的綠化地帶，發展規模與周邊環境毫不配合。鄰近樟木頭村嘅公營房屋用地樓高165米，比樟木頭村 (8米左右) 及帝琴灣 (55米) 的住宅發展高出多倍；位於馬鞍山村路的公營及私營房屋用地，附近只有數十戶民居，沒有任何高密度發展，卻在山上建樓高達225米及250米，發展規模完全與附近環境不配合
3. 額外道路工程嚴重干擾自然環境: 無論是連接近馬鞍山村路還是樟木頭村地盤嘅道路，本身不但需要大幅度擴闊至雙線行車道，而且更需要興建全新道路接駁，發展將大幅度削走天然山坡及樹木，對自然景觀造成極大破壞
4. 沒有評估對古蹟文物的影響: 規劃署聲稱工程與馬鞍山村大部分古蹟文物有一定距離，不過現階段完全沒有評估施工時對古蹟文物的直接或間接影響

12月16日前去信城規會

長春社之外，唔少關心香港郊野發展嘅團體，都對呢件事極之擔憂，並發動市民去信城規會，表達對呢項規劃嘅意見。

資料: 長春社、天行足跡、Catalyst