一名台灣男子與八名團友，於大年初五展開高雄「南橫登山團」，佢哋行到海拔2950米鞍部營地一帶突然嘔吐大作、四肢無力，懷疑高山症發作。其他團友見到佢咁辛苦，無伸出援手不特止，竟然留低佢一個，喺海拔近3000米自生自滅。
好彩呢名男子仲可以打電話求救，消防員及時趕到，用直升機將佢救出，保番條命。
網民對於登山隊友嘅做法甚表不滿，大多數人認為，登山活動要結伴同行，就係希望遇上意外可以互相照應。呢支8人登山隊竟然棄隊友不顧，實在做法卑劣，有違道德。
資料: 自由時報
去去，武器走！
海拔3000米遺棄高山症隊友 | 台灣登山隊被鬧爆
