Fitz > 運動 Sports > 登山 Mountaineering > YouTuber登玉山遇6.2級地震 | 2分鐘驚險影像曝光

Patrick 同 Lena 是台灣著名 YouTuber,擁有12萬 followers。Patrick 係台灣人,Lena 係俄羅斯人,兩人短片內容都環繞台灣玩樂旅遊。12月,兩人終於可以實踐攀上台灣最高峰玉山嘅計劃,佢哋成功 book 到玉山山屋,準備展開「玉山主峰單攻」行程 (即日來回登頂)。

Patrick 同 Lena 連同其他山友一行六人,於12月15日開始旅程,但當佢哋距離山頂不足300米嘅時候,突然地動山搖,大石由高處落下,一行六人全部東歪西倒,有團友甚至被落石擊中,墮下山谷失蹤……

地震片段由 8:50 開始

結果,Patrick 被大石擊中手臂,右手骨折,其餘人亦受輕傷。而最初被落石擊中墮落山谷嘅友人,幸好只有少許擦傷。一行人在山屋接受救援隊嘅支援,並得到一名剛巧在場嘅醫生急救,最後 Patrick 經過7小時徒步落山,再乘兩小時救護車至醫院接受治療。

相關地震新聞: 12月15日花蓮外海6.2淺層地震

地震片段雖然只係短短2分鐘,不過絕對令人感受到大自然威力與無情。其實,無論登上幾千米高山,定係行走幾十呎小山丘,都應該尊重大自然。每次行程都要做好準備,就算遇上意外都可以將危險減至最低。

Patrick 已經接受手術,正在休養之中。

旅遊真台灣 Travel North Taiwan


文章為作者意見,不代表Fitz立場。
歡迎投稿: http://fitz.hk/contribute/