中國大學生「原創短片迎冬奧」，疑抄襲東京奧運開幕禮急下架

字縮小字型大小。字重設字型大小。字放大字型大小。

北京冬奧開幕在即，民間都有唔少應援活動，製造聲勢。位於北京嘅中國傳媒大學，1月25日喺官方微博發佈一條短片，叫做「原創短片迎冬奧」，係由大學嘅「戲劇影視學院2021級音樂劇雙學位班全體同學」演出。不過短片播出後，唔少人認為抄襲東京奧運開幕禮其中環節。之後有份演出同製作嘅學生喺網絡表示，佢哋確實從東京奧運得到靈感，但同時短片概念係得到北京冬奧組委會同意。最後擾攘一輪後，當局將短片下架。