北京冬奧2月4日展開，各國運動員除咗備戰，亦要準備喺北京生活所需，包括上網設備。今屆冬奧推出官方應用程式「冬奧通」(MY2022)﹐程式提供即時大會通告、新聞，以至會場天氣、交通等資訊。而官方要求所有運動員安裝「冬奧通」，方便防疫。
不過，隸屬加拿大多倫多大學嘅公民實驗室 (Citizen Lab)，去年12月發佈研究報告，指「冬奧通」存有多項安全隱患，包括:
- 數據傳輸加密並不完善，容易被黑客入侵，令私隱洩露及被人監控
- 程式向用戶收集大量高度敏感個人私隱信息 (包括醫療及個人通訊記錄)，收集得到嘅資料並無講清楚會同邊啲機構分享
- 「冬奧通」設有舉報「政治敏感內容」的功能
- 軟件含有一個審查關鍵詞列表，內含涉及新疆、西藏等一些列與中國政治和政府機構相關詞語，可以隨時啟動內容審查
有關機構於去年12月通知大陸程式嘅缺失，要求當局修補。不過1月18日中國駐加拿大大使館網站發表聲明，話呢啲講法係「歪曲事實，毫無根據」。
不過一日之後，北京冬奧組委技術部部長回覆海外媒體查詢時又表示: 「安全漏洞已經修復了。如果在早期的版本存在的話，那麼在最新的版本中已經得到解決」。
----- 廣告 Ad -----
《德國之聲》翻查 Google 同蘋果等程式商店，發現程式並無喺呢兩日更新。
各國運動各施各法
北京雖然承諾冬奧期間開放防火牆，海外運動員可以唔使翻牆自由自在上網。不過，仍然有西方國家採取非常措施，應對來自大陸嘅網絡威脅。
- 澳洲: 自備澳洲出品 WiFi 蛋，唔用大會提供嘅WiFi，亦呼籲運動員唔好帶私人電子產品
- 美國: 提供即棄手機畀運動員，出席完冬奧會即時棄置
- 荷蘭及比利時: 為運動員提供手機，建議運動員唔好帶私人手機
資料: 
