張家朗奪金．香港運動員奧運獎牌之路

東京奧運男子花劍個人賽，張家朗贏完世界第一，再於決賽贏埋上屆冠軍，以15－11撃敗里約金牌得主，意大利選手加路素。

對上一次香港人贏得奧運獎牌係2012年倫敦奧運，李慧詩於單車凱林賽項目奪得銅牌。而對上一次贏得奧運金牌，就要數到1996年，當年香港李麗珊於女子滑浪風帆奧運板項目奪金，頒獎禮時，台上掛上英屬香港殖民地旗，播出英國國歌《天佑女英》。

香港運動員奧運之路

香港人第一次參加奧運係1952年，當年芬蘭赫爾辛基奧運，香港以「香港業餘體育協會暨奧林匹克委員會」身分參戰，除咗1980年應西方國家響應，杯葛1980莫斯科奧運，呢70年來香港都有份參與咁多屆奧運。

1997年前，香港嘅參與名稱係「香港代表團」，至1997年香港主權移交，改以「中國香港」參賽，代表旗幟特區區旗，播放歌曲為《義勇軍進行曲》。

https://youtu.be/eGsJMDuhKhU

今屆東京奧運，香港派出46名運動員參賽，以人數計為歷屆第三多。最多人參加為1988年漢城奧運，其次為1984洛杉磯奧運。

奧運獎牌之路

香港第一個奧運奬牌，係1996年由李麗珊贏得嘅金牌，因為呢面金牌，大角嘴多咗個「奧運站」。

張家朗呢面金牌提醒大家，「無論形勢幾惡劣，都絕對唔可以縮，要一分一分追上去!」香港人都有共同信念，加油!

資料: 維基百科