[初馬成了] 能持續 獲得糟蹋亦滿足_f1. 除左返工之外落雨我從來唔出街既,
然後初馬之前既八個比賽從來都係乾身既。

2. 常言道:冇打過水戰既並非真正既跑者。
Yiu Kwong Chan 亦曾經話過:
乳戰過,身價不同。正如蠱惑仔有刀疤一樣,係戰績。

3. 你老闆你唔好同我講咩大道理啦,
我都話我係唔想打水戰咯!係唔想丫!

[初馬成了] 能持續 獲得糟蹋亦滿足_01

[初馬成了] 能持續 獲得糟蹋亦滿足_024. 遇著攔路雨灑遍地1 ……
初馬先黎落雨,唔通連個天都唔鍾意我?!
-___-”

[初馬成了] 能持續 獲得糟蹋亦滿足_03

5. 不過其實根本唔係落雨,而係落狗屎。
水花四濺 星的碎片2,雨打落塊面度,痛既…
冇錯,渣打馬騮窮那日係狗屎根本唔係雨!

6. 就算你壯闊胸膛   不敵天氣,都唯有頂硬上,
不斷催眠自己 落雨不怕 落雪也不怕4

[初馬成了] 能持續 獲得糟蹋亦滿足_04

7. 雖然我把口話初馬不求速度只求完成,
但其實真心個句係:我想初馬 sub 5。

8. 初馬已經想學人 sub 5 好似惡左少少,
不過 假使你 永不說不能做到5 呀!

[初馬成了] 能持續 獲得糟蹋亦滿足_05

9. 既然有目標就要去試,因為落場後只許盡力去跑6

10. 本身從來冇諗過會停低影相,
但 15 公里那個水站竟然有海綿寶寶!(心心眼)
冇計啦咁難得夾左 dress code 喎,
唯有叫義工拍硬檔幫手影一張。

[初馬成了] 能持續 獲得糟蹋亦滿足_06

11. 其實本身都未飲水,但響水站一影完張寶寶相,
一收埋部電話就即刻再倒水比之前更大雨了…..
倦了喝杯清水 未怕天行雷
憑勇字決意闖出去7 

12. 水戰過就終於明白,
原來落雨其實真係 no big deal at all。

[初馬成了] 能持續 獲得糟蹋亦滿足_07

13. 因為傷患比落狗屎更大獲。

14. 他媽的!我真係舊患復發,
仲要早到 17 公里就出現…..
係,即係半馬都未夠我就已經腳痛了!T__T

15. 但我已經響條橋上面,即係 point of no return…..
站在這彎角 讓我很迷惘 
步步也關鍵 回頭沒有岸8

16. 幻覺黎架啫,嚇我唔到既!繼續跑!
今天的路 險阻滿途
爭取領前 就要敢跨出腳步9

[初馬成了] 能持續 獲得糟蹋亦滿足_08

17. 一路跑就一路問自己為甚要受苦痛的煎熬
但跑到青馬橋折回頭點我見到有相機!
於是又唯有死頂迫自己 快快走向歡笑的跑道10
(拿張相我真係笑到見牙唔見眼架)

[初馬成了] 能持續 獲得糟蹋亦滿足_09

18. 逆境大戰 咬著唇昂然接受11
我成功地半行半跑咁頂左 10 公里路。

19. 但由 17 公里開始痛住咁跑到 27 公里,
右膝經過 10 公里既蹂躪愈來愈痛。
驚怕 但無力掙扎12 ……

20. 我開始再忍唔住問自己到底咁辛苦咁痛苦係為乜?!

21. 其實我見到有架巴士響我隔離….. ~__~
量度我位置 放棄或者比堅信容易13

22. 然後我同自己講,只要堅持多 15 公里就夠,
但真係好痛,痛到我忍唔住又再反問自己:
堅持 堅持幾多錢一茶匙14 丫!?

[初馬成了] 能持續 獲得糟蹋亦滿足_10

圖片來源:SpeedPurple0

23. 最後痛到 終於我哭了15
但有跑友於 27 公里時相遇卻影低左我傻笑既樣…. @@
明明我就痛到喊,點解張相出黎變左笑緊?!
我到底係咪精神失常得咁嚴重!?
那一刻我終於知道咩叫:
含著笑 扮作不在乎 比眼淚恐怖16 (抱頭)

[初馬成了] 能持續 獲得糟蹋亦滿足_11

24. Whatsapp group chat 係偉大發明,
我痛到頂唔緊所以需要精神支持…..
然後我響group chat 度咆哮,
我話得自己一個死頂真係好辛苦,因為:
孤單的路 風霜滿途
只想有人 同我一起趕路17

25. 又再一次多謝那群瘋人院既怪物,
雖然唔響我身邊,但仍然隔空幫我集氣賜我力量。

[初馬成了] 能持續 獲得糟蹋亦滿足_12a [初馬成了] 能持續 獲得糟蹋亦滿足_12b

26. 痛下痛下,又頂多 3 公里。
雨,仍然係咁狗屎!但因為「跑」得慢,
所以身體開始降溫開始凍,
響西九公路上情不自禁地諗起已經響西隧等緊我既友人:
下雨天了怎麼辦 我好想您18

27. 幾經辛苦,痛左 17 公里我先終於捱到去西隧。
(係呀先西隧咋,都仲未過海仲未完呀救命!)
或者就快不能了 我的信心崩潰了19

28. 友人響西隧冒雨等左我起碼一粒鐘,
我響崩潰前衝左埋去,攬住左佢,
然後真係崩潰,嚎哭。

29. 友人呢種身體力行既支持實在太動人,
完美演繹陳奕迅經典:
給我信心當我未如願 披雨戴風問寒送我暖20

[初馬成了] 能持續 獲得糟蹋亦滿足_13

30. 雖然只淨8 公里,但我真係痛到好驚會DNF 要上巴士。

31. 不過衝入隧道前,友人扮左我既男神謝霆鋒:
和情人緊緊擁抱 來代替講話 好嗎
妳快樂 眼淚想灑了 而不准妳灑
我在旁 請不要害怕21

32. 友人叫我唔好怕仲話去終點等我,於是:
沿途紅燈再紅 無人可擋我路
望著是萬馬千軍都直衝22

[初馬成了] 能持續 獲得糟蹋亦滿足_14

33. 第一次衝入西隧,終於見識了何謂「西隧咆哮」。

34. 但我被傷痛纏繞完全冇心情去咆哮。

35. 西隧係聞名中外既「撞牆」位,
但我出左隧道上到天橋,
都仍然不知「撞牆」到底為何物。

[初馬成了] 能持續 獲得糟蹋亦滿足_15

36. 跑到上天橋見到熊本熊,佢真係好叻!
我知隻熊係想帶歡笑俾人,佢成功了,
因為跑跑下見到隻熊我都好開心,之後就過左佢頭。

[初馬成了] 能持續 獲得糟蹋亦滿足_16
圖片來源:Kevin Chan @ 長跑長友
37. 過左隻熊已經跑到 37 公里了,但仍然不知撞牆為何物…..

38. 因為我淨係覺得腳痛,但又唔覺得特別攰;
那就但願我呢一世都唔知咩叫撞牆,阿門。

39. 39 公里了,我終於忍唔住 yell:
仲有幾耐先返到終點呀?!吼!

[初馬成了] 能持續 獲得糟蹋亦滿足_17

40. 再重申:我唔係攰,而係痛呀!
雖然我好明白我毫無說服力,
因為由我出左西隧開始,
幾乎冇一張相能夠成功表達得出我有幾痛….
(其實根本老早響青馬橋時已經表達唔到)

[初馬成了] 能持續 獲得糟蹋亦滿足_18

41. 嗚呀!痛左 24 公里了,就快到喇,
痛住咁一拐一拐地跑,我終於見到家鄉喇喂!
痛太美 儘管再卑微 也想嘗粉身碎骨的滋味23

[初馬成了] 能持續 獲得糟蹋亦滿足_19

42. 步入綠色地毯呀!終點響前面喇!
加快吧 我的秒速只許加
跑到氣絕都不怕24

[初馬成了] 能持續 獲得糟蹋亦滿足_20

43. 痛左 25 公里發癲咁滯,
終於 來到終結的一剎25
我終於領略 能持續 獲得糟蹋亦滿足26 既真諦喇…..

44. 完了吧 如無意外27 ,因為腳痛跑唔出應有既時間,
sub 5 呢個目標最後失敗了,但還好唔洗上巴士,
仍然做到心中暗盤既第二目標:sub 5:30。[初馬成了] 能持續 獲得糟蹋亦滿足_21

45. 事實證明:用意志力走25 公里,
比用體力去跑 40 公里更為惡頂!

46. 一衝線個下其實我好冷靜。

47. 但到個完成牌被掛到上頸,feel 到開始黎料。

[初馬成了] 能持續 獲得糟蹋亦滿足_f

48. 然後過左終點唔夠 3 分鐘就見到一班熟悉既跑友們,
佢地都立刻同我講恭喜。

[初馬成了] 能持續 獲得糟蹋亦滿足_23

49. 最後終於忍唔住,好唔爭氣咁缺堤攬住左佢地喊….

[初馬成了] 能持續 獲得糟蹋亦滿足_24a

[初馬成了] 能持續 獲得糟蹋亦滿足_25

50. 我要多謝攝影師,所有射中左我既攝影師,
特別係冇收過一分一毫但辛苦左成日既非大會攝影師!
留住溫度 速度 溫柔和憤怒
凝住今日 怎樣好28
請容許我自戀一下,我覺得你地影得我好好睇….
(雖然我係一名肥婆)
(#運動的女生都是最美的)
(#唔止一次影到雙腳離地先最堅揪)

[初馬成了] 能持續 獲得糟蹋亦滿足_26

51. 完成牌唔係屬於我一個人的!
我好辛苦用自己既意志去死頂25 公里路,
但如果冇左大家幫我集氣,氣餒時精神上支持我,
如果友人冇響西隧幫我減重拎走唔要既物資同鼓勵,
我亦未必有力可以走完呢42.195 公里。

[初馬成了] 能持續 獲得糟蹋亦滿足_27

[初馬成了] 能持續 獲得糟蹋亦滿足_28
叉燒爸爸信守承諾,我成功完馬,佢當日就真係送我一支余市作鼓勵同支持
52. 多謝所有愛我既人!多謝!

[初馬成了] 能持續 獲得糟蹋亦滿足_2953. 完。

註 1:有讀者建議間中可以扮少一陣文青,
用口語甚至高登方式表達更有親切感,
所以再次「破例」以此方式表達。

註 2:有幾首歌係同跑界「文藝中坑」蝦叔吹水時提供既,
唔該曬蝦叔既inspiration。

註 3:從來比完賽玩 photo hunt 先係最折墜最難受,
分分鐘仲慘過跑馬騮窮本身。但我所有相,
除左俾錢買既幾張官方照片之外,
我咁多相都冇一張係我自己 hunt 返黎既…..
全部都係跑友們見到就好心順便 send 埋俾我,
小女子真心無言感激!多謝!多謝!多謝!(要講 3 次)

註 4:其實「馬騮窮」呢個term 唔係我發明的,
係以前讀書個陣個hall tutor 講既 (好似係)。

______________________________________
梁詠琪 — 下雨天
2 鄭秀文 — Water of Love (水上匯演【水舞間】主題曲)
王菲 — 約定
4 袁麗嫦 — 星仔走天涯
5 郭富城 — 強
6 楊千嬅 — 咬唇 (電影【新紮師妹 2 美麗任務】主題曲)
7 楊千嬅 — 男女關係科 (電影【新紮師妹】主題曲)
8 鄭秀文 — 人間定格 (電視劇【陀槍師姐 3】主題曲)
9 林子祥 — 邁步向前 (電影【英倫琵琶】主題曲)
10 陳百強 — 喝采
11 楊千嬅 — 咬唇 (電影【新紮師妹 2 美麗任務】主題曲)
12 鄭伊健 — 動地驚天愛戀過
13 胡鴻鈞 — 相信明天 (劇集【刀下留人】主題曲)
14 農夫 — 456 Wing
15 Twins — 丟架
16 胡鴻鈞 — 明白了 (電視劇【師父.明白了】主題曲)
17 林子祥 — 邁步向前 (電影【英倫琵琶】主題曲)
18 南拳媽媽 — 下雨天
19 Twins — 丟架
20 陳奕迅 — 天下氣雙
21 謝霆鋒 — 無聲仿有聲
22 楊千嬅 — 勇
23 蕭敬騰 — 王妃
24 容祖兒 — 跑步機上
25 鄭伊健 — 動地驚天愛戀過
26 容祖兒 — 痛愛
27 方力申 — 好好戀愛
28 陳奕迅 — 沙龍

更多:
Fitz.hk Facebook專頁
初馬前的忐忑
Invictus—My head is bloody, but unbowed.
烈敏@Fitz.hk
Fitz Running 跑步


文章為作者意見,不代表Fitz立場。

歡迎投稿: http://fitz.hk/contribute/

烈敏
運動偽文青 —— 熱愛自由,最愛遊走於天空與海洋之間。作為一位連呼吸都會肥的女子,某天發覺肥得不能再接受,終於「的起心肝」離開家中高床軟枕,走到街上用雙腿跑出去。結果不知不覺地由香港大學一直北上跑到祖國去…. 世界,有時原來可以很大很精彩~