來自美國俄勒岡州，現年95歲嘅 Colleen Milliman，5月初打破W95一英里世界紀錄，時間係 13:46.13，每公里平均8分34秒。
為孫仔學跑步
咪以為 Colleen 婆婆係跑步老手，佢喺89歲先認真學跑步。2017年Colleen 89歲時，孫仔話不如挑戰下跑運動場，於是就買咗隻秒錶畀自己。點知一落場就發現原來自己都跑得幾快，2018年第一次參賽就打破埋 W90 800米世界紀錄，時間係5:44.50，比舊紀錄快咗一分鐘。
Colleen 婆婆破紀錄之後，分享咗佢人生宣言:「人變老係自然定律，但最緊要唔好覺得自己老，要保持心境青春，唔好停止做自己鍾意嘅事，每日就會過得開心愉快。」
資料: Running Magazine
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。