向撒哈拉沙漠賽進發_03

早兩日,已經啟程出動,向著另一個極地撒哈拉沙漠賽進發。

撒哈拉沙漠賽被譽為係世界上最艱辛嘅賽事之一,全程250km, 分七天進行。比賽艱辛之處,是選手們須於整個比賽過程中自給自足,大會沿途只會補給食水;如是者參賽者要自行揹著7日所需要嘅食糧、比賽裝備以及日用品在酷熱嘅撒哈拉沙漠上奔走,還要面對日與夜之間極大嘅温差(沙漠晚上嘅氣温可以跌至零度);比賽環境嚴竣之極,實在可想而知。

很難想像自己會有勇氣參加呢個比賽,理由很簡單,我怕熱,屬於好怕好怕的那一種。 自己耐寒能力則素來都不俗,所以北極馬拉松、珠峰馬拉松,以至今年一月所舉行嘅HK100都能夠頂得住順利完成。然而自己也不禁細想:如果一直只停留在擅長嘅環境下比賽,其實是不足夠。自己總要嘗試在弱項中作鍛鍊,拼出一份能力去克服先天天不足,這樣才可以成為一個全面嘅跑手,亦不會那麼容易被外在因素影響自己發揮。就因為這樣,撒哈拉沙漠賽,終有一天,是要去作出嘗試。

話雖如此,當時也並無打算會在今年參賽。猶記得響北極馬拉松時,自己同芬蘭選手相約好會一起參呢個賽事,然而計算過,最快都要2017年才可以實行。而且這個賽難度相當高,250km亦係一個從未嘗試過嘅距離,當時好覺得,怎樣都要再用點時間好好鍛鍊同提昇一下,待一齊準備好先再參加。加上2016年正是波士頓馬拉松120週年,自己只係一心渴望可以成功參加到波馬一起參與盛事;當時嘅專注,確是不在撒哈拉沙漠賽上。

向撒哈拉沙漠賽進發_02只是到最後,波馬還是未能成功報名,心情確是十分失落;就響呢個時候無意間睇看到朋友之前所送嘅一份禮物,係佢去完撒哈拉沙漠賽所買回來嘅紀念品。就在這忽然之間,一團洪洪烈火又再在心內重新地燃燒起來……..於是不再作細想,就這樣,報名了。

其實有些事,有生之年點都要去實踐;既然機緣來到,就不要猶疑了。那知一年後,自己又有沒有能力去參加?何不及時參與,賽在當下?

向撒哈拉沙漠賽進發_04

立定主意,就要開始裝備自己。呢個比賽要準備嘅功夫可真不少:大會首先都要求所有參賽者要做心電圖報告及醫生評估,確保參賽者有足夠嘅體魄及能力去應付賽事。在朋友幫忙下,我特意在外地購買了防沙套,還要特製縫在跑鞋上防止幼沙走入鞋中,這樣就可以減少磨擦而引起生水泡嘅機會。另外其中一個很重要環節,就係要找尋合適嘅食糧。由於參賽者要自行揹著所有用品,所有物件包括食物都要盡量輕巧,於是這段時間就要不停去尋找不同嘅脫水麵飯、expeditionfood,事前還要試食以確保適合自己口味;這兩個月,可真忙透;然而,也真的十分樂在其中。

向撒哈拉沙漠賽進發_01

萬事仿似俱備,這一刻,也終於要來臨。現在懷著一份戰戰兢兢嘅心情,開展了旅途向著目標進發,自己也不禁要同自己打氣,好好地加油!今次主要以體驗為主,希望可以順利完成賽事。過程中嘅點滴,就容賽後回來再作分享。

更多:
Fitz.hk Facebook專頁
HK100,有感而發
休息是為了跑更遠的路
Fitz Running 跑步


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 跑步 Running > 向撒哈拉沙漠賽進發