比賽早段(地點:旺角HSBC對出) (編按: 後面白帽是Fitz.hk好友洪松蔭)
今年香港渣馬20週年，亦係首次 “升格”為IAAF金標賽事，加上首次跑經旺角彌敦道，理應跑出佳績嘅難度減低，只不過天意弄人，比賽當日滂沱大雨，跑得格外狼狽，但無損各位參賽者，義工及打氣嘅熱情。
今年雖則能夠sub 3，成功修復去年失地做 “千金先生”，但對比番自己兩年前香港渣馬嘅成績，其實未如理想。回顧我今年度賽季賽事規劃，特別係海外賽事，相對於大多數嘅香港跑友進取，當大多數跑友走向日本參加馬拉松，我則反其道而行，走到炎熱嘅東南亞挑戰，但遇上不少 “意外”，更不幸成為香港跑界嘅笑話，只不過如果唔係”曼谷渣打超半馬”事件，我未必在往後嘅比賽(澳門半馬、石崗30km同埋今年香港渣馬)交出應有水準。
汲取去年未能sub3嘅教訓，加上要走出低谷，我就將自己兩年前香港渣馬嘅成功經驗 “複製”，不論衣著同跑法，大致同兩年前一樣。
今年比賽初段跑經彌敦道，在一條長直路下，頭3km pacing 每km更係3’40”以下(3’31” 3’35” 3’33”)，但當跑上昂船洲大橋果陣，一群女子精英跑手追上，加上當時開始落雨，我就減慢步伐，跟隨到差唔多到青馬大橋折返點。
比賽中段，我已經同一群女子精英跑手 “脫節”，係餘下嘅途程只好以自己嘅步速跑，由於天雨關係，跑經半馬及30km位置時，都比兩年前慢，但幸好當時仍有機會在雨中，跑出接近我當年嘅水準，只可惜過咗西隧後，情況未如預期，更不幸於最後2、3公里右腳間歇性抽筋，結果只好以 “側過側田” 咁捱番終點，情況同兩年前比真係差天共地，結果我最終只能以2個鐘頭53分完賽，*第3次全馬sub3。
跑到西隧口，名符其實獨自係雨中漫步
----- 廣告 Ad -----
捱到番終點，終於笑得出啦(相片來源:M21)
跑完之後，其實我仲有另一樣嘢要做，就係影相，雖則當時仲落緊雨，但影都唔少相熟嘅跑友，沙跑會嘅Mankit、屯門 “愛跑”之友嘅Mingo同埋Teamadidas 嘅Margaret同Alice 等。
又影咗一堆張，自從2013年香港渣馬開始跑全馬之後，已經再冇影過呢場
與我相熟嘅跑友都會知道，2017我將會放棄多年黎賽事周邊安排引人垢病嘅 “香港渣馬”，繼而進軍杜拜，經過今年“香港渣馬” sub3 後，我來年進軍杜拜嘅決心將更加鮮明。當然有差唔多一年嘅時間去plan，可以再慢慢諗。
*註：我報過名嘅全馬有6場，除左1場係馬來西亞之外，其他全部都係香港，但成功舉行嘅只有5場，分別係城門河皇者之戰 (2014) 同埋香港渣馬 (2013-2016)。
----- 廣告 Ad -----
後記：
今年香港渣馬係我2016年第一個比賽，而我下個全馬就會係3月頭台灣 “北馬雙溪櫻花馬拉松”，係遠赴台灣跑之前，我將會係2月參加2-3場嘅本地賽事，有緣嘅話就黎 “集郵” 啦!^^
更多：
Fitz.hk Facebook專頁
澳門半馬記
快閃曼谷
Sam＠Fitz.hk
Fitz Running 跑步
