唔知你地細細個有無試過經歷過電梯無電,行樓梯上樓既經驗?
老實講,我試過好多次。因為我當時屋企住低層,都仲未覺得樓梯可怕之處……

直到我開始行山,係行山中深深對「梯」產生愛與恨既複雜感情
次次行親「梯」,從下而上望係一望無際,但某部分山梯係有刻上梯級數,當自己登到上某數字時又會感覺到無比既興奮,果份滿足感我相信好多人都感受過。

今次有機會參與到「新地公益垂直跑–勇闖香港ICC」傳媒體驗跑活動。呢一場係一個相當有特別既比賽,有別於我平時跑既路跑或越野賽。唔講仲唔知,原來今次賽事更係今年垂直馬拉松世界巡迴賽的終極挑戰站,到時相信一定會高手如雲,大家可以見證2017年國際級既「梯王」同「梯后」既誕生添。

去到會場先做熱身就開始體驗上21層樓梯!(體驗組路線)


影噃張大合照就準備出發!

唔好以為我體能好,其實我跑兩步都喘氣,跑樓梯除左著重下肢既力量,唔講唔知原來手力都好重要,因為要用手去扯住扶手借力上去。

終於衝線之短短幾分鐘但我其實都流左好多汗
其實上到去有咁靚嘅景睇乜都值得
原來Sky100有成海拔393

如果競賽賽就喺要挑戰82層 (當中大致上分為精英組、個人組、接力組) 如果你問我會報邊個,我諗我會毫不猶豫同你講接力組,因為團結就是力量! 同埋好明顯喺我懶呀嘛! (笑)

比賽係12月3號就舉行啦! 唔知你妳你妳準備好未呢?

更多:
Fitz Facebook專頁
[披著馬騮皮的魚] 泥鴨系列 斯巴達勇士(們)之煉成
[披著馬騮皮的魚] 從DNF到圖騰跑16K冠軍
[再戰苗圃] 由「梗頸四」到冠軍 從失敗中學習
[快閃台北週末] 動感亞洲越野賽 台灣站
Fitz Running 跑步


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 跑步 Running > [披著馬騮皮的魚] 唔跑唔知身體好之你今日跑左樓梯未?