唔知你地細細個有無試過經歷過電梯無電，行樓梯上樓既經驗?
老實講，我試過好多次。因為我當時屋企住低層，都仲未覺得樓梯可怕之處……
直到我開始行山，係行山中深深對「梯」產生愛與恨既複雜感情
次次行親「梯」，從下而上望係一望無際，但某部分山梯係有刻上梯級數，當自己登到上某數字時又會感覺到無比既興奮，果份滿足感我相信好多人都感受過。
今次有機會參與到「新地公益垂直跑–勇闖香港ICC」傳媒體驗跑活動。呢一場係一個相當有特別既比賽，有別於我平時跑既路跑或越野賽。唔講仲唔知，原來今次賽事更係今年垂直馬拉松世界巡迴賽的終極挑戰站，到時相信一定會高手如雲，大家可以見證2017年國際級既「梯王」同「梯后」既誕生添。
唔好以為我體能好，其實我跑兩步都喘氣，跑樓梯除左著重下肢既力量，唔講唔知原來手力都好重要，因為要用手去扯住扶手借力上去。
如果競賽賽就喺要挑戰82層 (當中大致上分為精英組、個人組、接力組) 如果你問我會報邊個，我諗我會毫不猶豫同你講接力組，因為團結就是力量! 同埋好明顯喺我懶呀嘛! (笑)
比賽係12月3號就舉行啦! 唔知你妳你妳準備好未呢?
更多：
Fitz Facebook專頁
[披著馬騮皮的魚] 泥鴨系列 斯巴達勇士(們)之煉成
[披著馬騮皮的魚] 從DNF到圖騰跑16K冠軍
[再戰苗圃] 由「梗頸四」到冠軍 從失敗中學習
[快閃台北週末] 動感亞洲越野賽 台灣站
Fitz Running 跑步
披著馬騮皮的魚 — 曾經150磅為食肥師奶，堅持用運動同飲食改善體質，用減肥的堅持，運用於對待運動的成長路上，希望持續擁有美食與運動的平衡人生
