搵個籮柚跟尾?

有人話體育香港無人睇，體育文章網站好難搞，而我覺得既然揸得支筆，我希望寫嘅嘢係唔鍾意體育嘅人都鐘意睇，所以我選擇「睇肉」路線，我要用食色性也去打破市場定律，要用偽文青得嚟又帶點麻甩嘅角度去挑戰比跑褲更露肉嘅尺度。

陳綺貞有首歌叫失敗者的飛翔，而我想分享嘅係失敗者嘅專長，猶記得好幾年自己第一次同何國良（我嘅前節目主持人）去沙田嗰頭跑去大埔，天氣凍凍地，個身濕濕地，跑完隻腳表面冰冰地，然後小便嘅時候，發現縮縮地，差不多係要搵番出嚟先去到洗手間，當時我發現，跑步嘅時候，小弟弟係會避靜同避震。

從而亦都引申一個問題，研究話男人每六秒就有性幻想（定係六分鐘呢？）總之密唔密好睇個人修為啦。咁跑步嘅時間又有無性幻想或者有無反應能力呢？我本人覺得係一個非常科學同埋值得National Geographic 開個研究嘅題目。

（利益申報：本人跑步嘅時候真係絕對無）我直覺覺得一個男人跑緊步，d血無聚去某一度，雖然跑到隻狗咁但都無可能有咩思考空間。所以d tbb劇集成日講d男人出面有件，然後冷落正室嘅藉口都係「我今日好攰」。更何況宜家係爆攰？（唔知女士又有無時間跑步思歪呢，鍾意可以留言或者pm，真心想知）

雖然頭腦唔清醒，但身體最誠實，我本人亦都會有意無意，打正旗號做個stalker死跟，咁有得揀無奶油跟個大隻佬架。

我坦白分析幾種心態：

1. 驢仔都要搵舊蘿蔔，視覺刺激下，跑得咁辛苦都有份安慰
2. 比女人跑在前面，爭勝心會加強
3. 純藝術角度欣賞身型、跑姿同埋服裝
4. 從人類學角度觀察不同種類身體機能嘅運用
5. 換句話說「睇肉」精神

（失敗者的專長，專業跑手切勿模仿）

某程度上發現，創造人腦嘅偉大，好似霍金套戲一樣，身體殘缺但唔代表無能，相反，無能之時亦不代表無諗嘢。

做過「搵個籮柚跟尾」呢個偉大實驗嘅人，你第一時間諗番起嘅畫面又係咩呢？

1. 七色彩帶心悠款嘅少女
2. 瘦削阿徐形長跑專家
3. 宿舍訓醒闊身大學跑衫嘅學生妹
4. 汗衣濕身極少布嘅abc
5. 包哂膝頭競步嘅西洋女子（大件頭）
6. 健身房衝出嚟嘅肌肉型黑妹

仲有好多好多，你又喜歡跟邊一個尾呢？我覺得唔同選擇都幾反映你對比賽嘅心態。

起初我開始頭5km，仲有心機跑，我會跟心悠，可以當廣告咁睇，通常呢種女仔都有條仔喺側邊，結果你感覺到佢地跑步係為左靚，為左吸引其他人，亦因為多左個男人，慢慢就會無癮。

好10km，要搵個無仔跟身，好快你就聚焦阿徐身上，真心覺得佢跑得好好，但原來跑得太好又會減低女人味，點解？因為大佬我都跟唔到佢喇，自卑感頓然而生。

汰強留弱，跟個U tee 妹妹，又嫌人姐手姐腳準備不足，擔心佢跑唔哂。當呢班剛起身嘅喺20km度墮後，健身型同競步型會同時出現，原來先知大家係friend嚟，佢地一來可能舊患，捱到30km，一拐一拐，一係就太大舊肉，重磅得滯，大家一齊等撞牆，平排跑直頭係buddy。呢個時候汗衫妹妹就會出現，你想跟嗰陣又唔見，無心機佢又跑去左前面，一快一慢，若隱若現。

去到呢度，「搵個籮柚跟尾」嘅戰術，發揮到最後關鍵，生命開始循環，最後一兩公里，七彩嘅跑步情侶會出現番，甚至乎會各自搵食，去到就去，「我要攝佢條仔個位」，諗啫，無咁誇。

咬緊牙關同自己講，「呢個籮柚我要跟到尾」，衝呀。

呢個係從兩性心理學發展嘅一套跑法，多謝籮柚，42km 辛苦哂，你是我的精神食糧。

更多：
馬拉松式高潮
Law少其他文章
Fitz跑步文章

分享連結: