[撒哈拉超馬] 第一日 3(按:撒哈拉沙漠250公里超級馬拉松MDS喺4月9日舉行。北極馬拉松季軍張思縈,亦聯同了多位香港選手遠征摩洛哥。)

去年嘅四月,我正在地球最北端嘅嚴寒下在冰塊上疾走;想不到一年後,自己就已經響另一個極地──酷熱嘅撒哈拉沙漠上繼續競逐奔馳。

到達摩洛哥嘅瓦爾扎扎特後,大會陸陸續續地將所有參加者送到起步區。起步前,所有選手都需要領取號碼布、賽道road book 及進行 gear check,大會亦分別為每一個選手掛上 GPS 儀器作緊急救求之用。根據大會提供嘅資料,今次總共有 1200 多人參加,其中有200 名係女選手,並嚟自 50 多個國家。大會為左方便管理及運作,將選手以其申報嘅國藉編在同一區嘅營幕,所以香港及中國嘅選手都被編在同一個營。雖然少左與其他國家選手交流嘅機會,同一時間同聲一同氣編埋一起,亦可以說多一份照應。

[撒哈拉超馬] 第一日 5

之前我曾用左一整日嘅時間重新 repack 過個背囊,到最後上磅有 8.5 kg,重量中規中矩,如果以我高大嘅身形嚟講其實不算很重。開賽前我草草睇過road book,第一日只需完成 34km 左右嘅路程,當時心想:「不算太長呀!」而且今次第一次玩 multi stage,第一次玩咁長嘅距離,亦係第一次負重跑,我無目標完成時間,一切聆聽身體比自己嘅感覺;當時亦相信第一日都應該唔會太難,那就不如先用最簡單嘅方式試行一下,不用pole 不用 tape,之後再看看如何步署吧![撒哈拉超馬] 第一日 2

[撒哈拉超馬] 第一日 1

[撒哈拉超馬] 第一日 6
行李在起步前要過磅
結果,「第一日都應該唔會太難」呢個諗法實在太過簡單,起步跑左 3km 後,我地開始進入一個名為 Erg Chebbi 嘅沙丘區,而且一行,就行足 12km。這個沙丘區要不停的又上又落,每一步都踩不穩、踏不實,有時甚至會滑後,真的需要花費額外嘅氣力去穩固自己。最後我整整用了3 個小時才走得完這個沙丘區,耗虛左唔少體力。到達 check point,亦只會補及水份;沒有能量補及,確是少左一份「refresh」嘅感覺。這一天亦不停刮著大風,而且風勢越嚟越凌勵,我嘅帽被大風吹走不下二十次之餘,沙石打在身及臉上嘅感覺,就等同被刀割一樣痛。好多時候我地還要逆風而上,名乎其實的寸步難移。惡劣天氣令到體力消耗得好快,最後嘅6km,我左腳甚至開始有抽筋嘅跡象。更慘烈的是,終點前最後3km 亦係沙丘區;當時我嘅肩膊已經感到十分赤痛,背囊更好似墜著千斤鉛般重,不得不承認那時確是感到有一份吃力。慶幸呢個時段,很多參賽者因為臨尾衝刺,大家經過身邊時都會叫喚對方名字互相激勵一番。有位選手甚至叫我拖住佢隻手拉我上一個好直好高嘅沙丘;其實佢當時嘅狀態不比我好,但仍對身邊嘅人施以援手,自己不其然也有份感動,覺得自己也要加一把勁。因為這樣互相鼓勵,最後慢慢地終越過沙丘,到達終點,順利完成第一日嘅賽事。

[撒哈拉超馬] 第一日 4因為天氣惡劣嘅關係,大會最後延遲終點 cut off 時間一小時; 真的沒想過第一日就要面對咁大嘅挑戰。然後返到營幕,御下背囊,那份沉重嘅感覺又瞬間消失了。我知道今日嘅疲憊主要是源於未適應及掌握到在沙丘上嘅競走技巧;作息過後思考一下,我相信,明天一定會更好。

(待續)

圖片來源:張思縈facebook

更多:
Fitz.hk Facebook專頁
[Translantau 100] 義工的使命
休息是為了跑更遠的路
HK100,有感而發
張思縈@Fitz.hk
Fitz Hiking 行山

分享
張思縈
任職社工,從事戒毒服務已有十八年, 也是一名運動愛好者、旅者以及攝影人; 喜歡嘗試新事物,並相信透過參與、實踐更能體驗人生。於 2015 年遠赴北極參加馬拉松,希望以克服極地環境之挑戰,宣揚「走出局限,奔向夢想」之康復訊息,鼓勵康復群體抱緊信念,努力跨越康復道路上所經歷之障礙,堅守康復方向,繼續追求人生所訂立之目標。