上文《人生下半場我換咗班friend》說到步入中年或退休後，舊電跌落low level，缺乏動力，也沒有了GPS，失去方向。老咗之後好像主要等兩件事情發生，一是等阿仔/阿女約你食飯，二是等死，悲但真!
其實人生可以不依這個劇本演出。
幾日前收到「三嬸一叔」May 姐 WhatsApp，她和R大嬸會組隊參加一項賽事，問我可唔可以做她們的support team manager？見她還這麼尊重我，仍叫我做 manager，未知是什麼活動便二話不說便答應了。
----- 廣告 Ad -----
原來她們參加「HKSG Twin City Ultra 香港 – 新加坡虛擬跑雙城大挑戰」，12/12-31/12 二十日內，在香港走四個水塘的指定路線 (任擇)，繞圈鬥累積里數，時間和圈數不限，跑得幾多得幾多，可 solo 或二人組隊，星加坡方面只提供一個賽場，在麥里芝蓄水池繞一個10K的圈。(詳情可參考上面條link)
星港對決，戰火已燃
C大嬸一聽到，覺得除了是「三嬸一叔」再戰江湖的機會之外，也希望藉此為港增光，埋單總里數跑贏星加坡。提起星加坡，唔講由之可，講起就好欣賞，近十年好多瓣都跑贏香港，此次星港鬥一番，係時候集氣，組成復仇者聯盟。參加者名單見到有外星人曾小強名字，令港方戰鬥力大增。
C大嬸發動跑班同學參加，初期踫到冰山，同學反應不太熱烈，唔去馬或抱猶豫態度的原因眾多: 我個 schedule 好 full 噃、嘩跑20日好攰啫、我咁慢、搵唔到 teammate 呀我……。
其實一切都源於唔了解，C大嬸細心解釋疑團，20日賽期內有幾多日得閒就跑幾多日，最少可以跑一圈 (約6K) 已可以上報里數。因為唔係鬥快，不用爆肺，復康跑、浪漫跑、樂趣跑完全冇問題，唔駛做FKT。搵隊友也易，因為可以分開完成任務，不是尋找 soulmate，甚至不見一面也可以，只要報數時入番同一 team 便成，不太相熟的也可成團。(不過記住要遵守限聚令和社交距離)
C大嬸正構思一個目標里數，希望齊心事成，成為跑班共同達致的目標，為港也為班出力，把活動套上雙重光環。當然更重要的，提醒同學仔活動可以免費報名，有同樣獲獎機會。同學開始熱起來，紛紛呼朋喚友組隊，兩日之內已有組成十多隊報名，(入呢條link 大家會見到 Crazy Running XXXX 就係 豐山跑班 啲巴打同絲打)
集氣，用腳撐港
----- 廣告 Ad -----
不是做每件事都要有什麼大意義，但有意義比冇意義來得有動力和熱血，即係有番電和 GPS! 走一個圈水塘的意義，是表達對香港的一份愛和支持，性價比高，值得我們用腳去撐!
