東京馬拉松-行李準備篇 3你執好行李未?

呢幾日應該好多跑友都準備出發去東京,唔知大家執好行李未呢?喺度等我分享下行李方面有咩要留意啦!

(圖片來源:日本氣象廳網站截圖)
(圖片來源:日本氣象廳網站截圖)

執行李最緊要留意當地天氣的變化,執適當的衣物。望一望,根據日本氣象廳預測,過幾日氣溫最高12度,最低可能得0度,對香港人黎講可能會比較凍,不過好彩的是落雨機會比較細。除左觀光時的衣物要注意外,亦要帶備衣物於比賽前後和中途保暖,因為天氣較凍,身體流失熱量會較快,所以同時要留意補給,好在東京馬拉松沿途有大量民間補給!

不過,有關行李最重要注意的係比賽裝備!去比賽梗係要帶跑衫跑褲之類,因為比較有經驗的跑友都會於比賽時穿著「測試過」的常用比賽裝備,可以減低比賽時預到磨損等的受傷機會。其中重中之中就係比賽鞋,因為比賽鞋除左要係着開的型號外,更要跑上最少幾十公里開鞋,所以帶備自家測試過的裝備最重要。但係點解要特別提比賽裝備呢?原因係坐飛機或會有機會遇到行李遺失的情況,一般的衣物都可以在當地購買,但比賽的裝備甚至跑鞋就未必買到合適,即使買到同款的跑鞋,但係都未必夠時間開鞋。所以筆者我一般都會將比賽裝備,特別係跑鞋,會放在手提行李跟身上機,以免寄倉時遺失。

另外,跑友都要留意比賽賽會的規則,特別是比賽時限制攜帶的物品,例如:東京馬拉松-Rod-like items with extended length over 30 cm,詳情可以參閱Runner Handbook,大家記得執比賽裝備時留意下喇!

(東京馬拉松2016參加者指南截圖) (按圖放大)
(東京馬拉松2016參加者指南截圖) (按圖放大)

更多:
Fitz.hk Facebook專頁
東京馬拉松10周年—出發前篇
[東京故鄉祭2016] 全國美食、祭典、馬拉松,齊聚東京巨蛋!
[日本皇居] 東京慢跑聖地,來加入皇居跑者的行列吧!
Fitz Running 跑步


文章為作者意見,不代表Fitz立場。

歡迎投稿: http://fitz.hk/contribute/