里約奧運閉幕禮,東京2020奧運會嗰兩分鐘嘅2020宣傳片,有叮噹、有戴志偉,仲有Hello Kitty同馬利奧,搞到人人都話要訂定機票去日本睇!其實日本人搞奧運,又點只得卡通人物呢?

佢哋有咩配套、設施,暫時都未好清楚。不過東京奧運馬拉松,就一定有條好出色嘅跑道!

[正宗軟實力] 東京改良2020馬拉松跑道 2

作為亞洲長跑王國,日本方面已經開始研究奧運馬拉松嘅路線,不過唔係封唔封路呢啲咁低層次問題,而係鋪設跑道用嘅物料。

有關方面話,因為東京奧運喺2020年7月24日揭幕,時值日本嘅夏天,一般馬路嘅柏油路面,氣溫可以高達60度,會嚴重影響跑手表現。有見及此,日本政府將會喺奧運馬拉松嘅預定路線「做手腳」,暫時測試緊兩種物料:第一種,就係喺路面噴灑防吸熱膜,用以降低路面溫度;第二種,就係喺路面噴灑較吸水嘅物料,用以化解同蒸發熱力。根據測試,呢兩種物料都比一般柏油路低至5-8度,佢哋仲搵咗前奧運馬拉松選手瀨古利彥做測試,反應非常正面!

[正宗軟實力] 東京改良2020馬拉松跑道 3
瀨古利彥有份測試新嘅路面
除咗跑道路面,有關當局仲計劃緊種植樹木,令喺賽道有更多樹蔭。單係一條賽道已經咁認真處理,東京呢次搞奧運,確實令人期待!

資料來源:朝日新聞

更多:
Fitz.hk Facebook專頁
美國里奧絕色武器: 註冊會計師
[同泥漿玩遊戲] 斯巴達障礙賽香港站
[報名要抽籤] 大陸跑友抽9次中1次
Fitz Running 跑步

分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。