海外馬拉松小貼士—賽前篇

聽日就係大阪馬的比賽日，世界各地亦陸續會舉行有不少馬拉松比賽。所以小弟在此分享一下海外比賽的少少經驗，希望幫到大家！

1. 放鬆心情
比賽前一兩日，大家都好緊張，甚至會有跑友瞓唔着。有咩方法幫到呢？可以拉下筋，睇下電視，聽下歌，食下嘢咁。唔好迫自已瞓，越迫就可能越難瞓得着。

或者可以咁諗，平時跑長課前都可能會瞓唔夠，或者放工先去跑，你一樣跑到。而且，你就算只係瞓得兩三個鐘，會好影響你比賽？總會有影響，但係又有幾大影響呢？你一起身食完野就去比賽了，跑完都係十二點幾一點，影響係唔係真係好大呢？與同行的朋友傾下計，放鬆下，太緊張的話，影響可能更大。

2. 行街？
（如果為做時間）建議比賽前一天的行程有得行下坐下，盡量不好太長車程，同時不好行太耐，行下坐下咁。坐太耐或者太遠車，都會比較易腳痺；行太耐亦會好累。

行或者坐的時候可以得閒拉下筋，舒緩下肌肉因行街而做成的繃緊！3. 食飯食咩好？
前兩日開始可以食多啲碳水化合物，儲定能量。亦都要注意盡量避免食街邊/生冷/容易敏感的食物，以免發生肚痾等問題。

4. 預備早餐？
比賽前一天可以先預備比賽日的早餐，特別是有不少比賽很早就會起跑，餐廳還未開門，就需要你預先自備早餐。

早餐可以有麵包，運動飲品，杯麵，飯， 飯團，香蕉等等。盡量都係以碳水化合物為主，為你的比賽提供能量。

而部份國家，如日本的7-11等，都會有飯團賣，但都建議預早買定，因為到時無貨就無早餐食了。

5. 準備號碼布
前一晚扣定號碼布，執定比賽物資，絕對能夠幫到你分下心之餘，亦可以避免比賽日早上太趕。

6. 檢查裝備
預早少少檢查有無帶少左裝備，或者啲 gel 穿左，可以在比賽前一天補購！

7. 寄存行李？
無論你酒店係遠或近，都建議寄存行李，當中包括上衣更換，外套，朱古力等，可以在跑後更換可能濕透的上衣及補充一下。

8. 揾定路線
揾定去起點及終點回酒店的路線，當然最好準備定現金坐的士回酒店吧！

沙田跑友會 Shatin Runners Facebook群組

更多：
Fitz.hk Facebook專頁
河上鄉豆腐花放題跑後記
Fitz Running 跑步