2016年渣馬,雨中作賽 圖: 渣打香港馬拉松 Standard Chartered HK Marathon

毅行者操練,有人問「毅行先生」KK 陳國強落雨會唔會暫停操練。KK 回敬佢一句:「如果毅行者活動當日落雨,你係咪退出?」意思係日常操練,除咗要磨練體力、技術之外,亦要適應唔同嘅天氣狀況。

所以,落雨絕對唔係偷懶藉口,正如村上春樹話:「如果因為下雨就停,一定會變成終生都沒法跑了。」下雨天跑步,就要有適當準備。

衣著: 勿穿雨衣,以快乾為佳

任何雨衣,包括便利雨衣,都係為要遮風擋雨,所以一定係唔透氣。著住嚟跑步,會令身體不能散熱。除非天氣嚴寒,以雨衣作禦寒之用,否則無論幾大雨,都唔好著雨衣。

所以落雨跑步,就寧願濕身,以令身體更容易調節體溫。喺呢個情況下,穿著快乾、貼身衣物更為合適。

2016年渣馬,很多跑手都著雨衣起步,幾公里後已熱得要除衫了。圖: 渣打香港馬拉松 Standard Chartered HK Marathon

鞋: 盡量穿舊鞋

  1. 切勿著防水鞋,雨水會沿腳瓜流入鞋籠,如果鞋唔可以排水,會形成水塘!
  2. 著排水功能好嘅鞋,可令水快速排走。
  3. 著舊鞋比新鞋好,因為雨水會對鞋嘅造成一定傷害,舊鞋點都唔會咁肉赤。
  4. 留意鞋底防滑。鞋嘅坑紋太淺就唔好著。

電話要防水

無論用唔用腰包,都加個密實袋保護電話等電子裝備,雙重保險。

預防擦傷 搽凡士林


皮膚長期濕水會容易被衣物擦傷,跑前可搽凡士林。此外亦最好著緊身衣褲,減少摩擦。

盡量唔好踩落水窪 圖: 渣打香港馬拉松 Standard Chartered HK Marathon

戴帽

戴上太陽帽可減少雨水打在臉上同眼睛。

設計路線

視乎自己嘅技術,盡量唔好上山。落雨後山上情況難以預計,小心為妙。

準備替換衣物

濕身後應該盡快更換乾爽衣物,小心感冒。

延伸閱讀:《係跑步先至來落雨 定落雨先至來跑步

Fitz連結: https://fitz.hk/?p=110451


更多:
Fitz Facebook專頁
[渣馬備戰攻略] 科學支持 5種比賽前中後的飲食偏方
[渣馬備戰攻略] 4條經典長課路線
[渣馬備戰攻略] 如何進行長課練習?
Fitz Running 跑步

廣告
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz都會全力搜羅,同時鼓勵「郁民」齊齊參與,打造一個開放嘅運動生活資訊平台。