左:疑似假印;右:真印
左:疑似假印;右:真印

早前我哋接到投訴,話2016年嘅渣打香港馬拉松,有人發現有跑手掛上疑似假嘅「精英跑手」嘅印章,而該印章可取得比賽排頭位嘅資格。(見《[讀者來料] 渣馬跑手用假印搶頭位?》及《[渣馬呃頭位疑雲] 精英選手原來百中無一》)

事件曝光之後,我哋由不同渠道收到讀者嘅報料,揭露全馬挑戰組嘅「精英起跑區」,原來真係「萬中無一」。大會對於起步區嘅把關工作,令人覺得有點疏忽。

對於種種疑問,我們於2月中去信香港業餘田徑總會查詢。18日後,終於收到佢哋回覆。

回覆一:起跑區嘅規則

  1. 會於號碼布蓋上印章。而特定選手並會加上紅章或金章
  2. 全馬會設優先起跑區,在精英起跑區之後
  3. 根據回覆嘅資料,即係話有金章就去「精英起跑區」,紅章就去「優先起跑區」。如果只係得個蓋章 (即係「Elite Start Zone」個印),就可以去精英起跑區嘞。

電郵截圖:

(按圖放大)
(按圖放大)

回覆二:偽製印章疑雲

  1. 「正就事件進行內部調查,並會就稍後的調查結果作出相應的處理及決定。」 (呼籲:唔該,有結果記得公開,因為大家都好關心)
  2. 「大會將會就整個「精英起跑區」的安排作出全面和深入的檢討,希望盡量減低類似事件再次發生的機會。」 (按:係咪即係承認有問題要改善呢?)
  3.  會預留名額畀相關機構及贊助商 (按:可唔可以講下佢哋一共瓜分咗幾多個名額?)

電郵截圖:

(按圖放大)
(按圖放大)

封電郵足足有成頁A4,但係仲未回答一個最簡單嘅問題:

究竟真嘅印章,係「Start Zone」,定係「Starting Zone」呢?

唔知佢哋嘅內部調查,係查呢啲,定係查其他嘢。總之,我相信大家同我一樣,都希望佢哋盡快完成調查,並且公開結果。

我哋會再次去信田總,一有最新消息,再同大家報告。

更多:
Fitz.hk Facebook專頁
[讀者來料] 渣馬跑手用假印搶頭位?
[渣馬呃頭位疑雲] 精英選手原來百中無一
渣馬專區@Fitz.hk
[渣馬數據分析] 一張圖睇下你跑成點
Fitz Running 跑步

首頁 > 運動 Sports > 跑步 Running > [渣馬呃頭位疑雲] 田總回覆: 進行內部調查