今年渣馬，我 foresee 到係一場惡夢。
一切都係由那該死的 Corporate Challenge 開始。
我認我貪小便宜，唔想玩大會嘅大抽獎。見到公司有得報，諗住俾$500，guarantee 有位喎，計落有so呀。點知，原來我諗我太簡單了。
兩日前，公司隊嘅負責人 call 咗個briefing，集合哂所有公司隊嘅同事講解賽道同埋派跑手包。當我匿埋喺最後嗰行玩轉珠嘅時候，突然有個人哄埋黎。
係我大大大老細。(死，俾佢見到我扮工時間玩轉珠，下個月份appraisal凍過水。)
佢：「喺呢度見到你真係好。我見你個跑手包，你都係跑全馬?」
我：「係呀。」
佢用咗個「都」字…. 莫非…..
佢：「我都係。之前唔聽見你跑步嘅，你第一次跑?」
我：「唔係呀，之前自己抽。今次第三次跑。」
佢：「我之前都有跑過馬拉松。舊年同前年都跑十公里。係呢，你全馬諗住跑幾快?」
又一個跑十公里馬拉松嘅人。安已不，我好想逃離現場。
我：「我好慢架。目標去到終點，5-6 個鐘左右啦。」
佢：「咁就啱啦，我哋應該差唔多時間，你做我pacer啦!」
WHAT?!
佢：「我第一隻全馬。又上橋又落隧道，天氣仲好似話好熱好濕，我好擔心番唔到終點。」
我其實真係好怕私人事同公司任何人扯上關係，尤其係我呢個可怕的大大老細。佢乃係一個年近60、未結婚、工作狂到星期六日都會番公司做嘢嘅奄尖女人。
佢：「有你喺度傍住我，我會放心好多。我哋早啲上線，5點喺尖沙咀地鐵站等。記得帶電話跑，我想喺青馬橋影相。一於咁話啦。」講完，佢就走開咗。
我連推嘅機會都冇……我可以點同佢講，其實已經冇得跑青馬? 可以想像到，當日我要化身成為佢身邊嘅妹仔，遞水遞蕉遞gel。我究竟做錯啲咩?
可憐的我，用咗半年時間俾心機練，諗住今次跑得好少少做430。唉，mola mola……
更多:
Fitz Facebook專頁
[毅行者] 識揀，一定揀個「毅行full cert男」做男友
Karena@Fitz
Fitz Hiking 行山
