Fitz > 運動 Sports > 跑步 Running > [為跑走法平反] Sub 3邊緣的「步兵」

山外有山,人外有人。

上一回,我說過我的「步兵」經歷。2016年間,我在比賽中以至練習時,都以步行為主,我認為「跑步」應該以「跑」為主,對此我感到自己軟弱。

文章發表後,讀者Jezza電郵留言:

「我是用跑走法,以3小時34分完成了第一次馬拉松。」

3個小時多一點就完成一場全馬?更在中途加入了步行的時間,他是怎樣完成的呢?

收到電郵的數小時後,我與Jezza談了半個小時:

「報名參加初馬之後,有位美國朋友介紹 Jeff Galloway 嘅書畀我睇,所以我對『跑走法』有少少了解,就跟住本書練習。我喺2015年,就採用呢個方法,跑第一次全馬。每跑1英里 (約1.6公里) ,就會行番約莫1分鐘,結果當年做出3小時34分嘅成績!」

「其實跑步入面加入步行,應該可以慢減乳酸積累同埋心跳嘅速度。對我嚟講,行幾步之後,條氣會順番啲,有時甚至會覺得有力咗。」

Jezza 2015年渣馬的成績。 (注意,距離單位為英里,以及GPS有些微誤差。)

此外,Jezza強調,採用「跑走法」去做訓練,令他可以加強訓練強度,增加訓練量,以及減少受傷機會。

他說,特別對於平常沒有做運動的人,如果初時接觸跑步,在跑步加入步行,他們可輕鬆適應跑步這項運動。

「最初我太太話要跑步,我陪佢慢跑3分鐘,步行1分鐘。以呢個方法,要完成5公里並唔係太難。而且跑完都唔覺辛苦。」

經過兩年間訓練,Jezza在2016年年底的皇者之戰全馬項目,更以3小時06分完成比賽!

「我並唔會堅持自己要『跑足全程』。42.195公里裏面,我飲水、食Gel時,我都習慣咗要步行。因為呢個方式適合自己。」

(注意,距離單位為英里,以及GPS有些微誤差。)

我曾在比賽中步行,結果被路人冷嘲熱諷。對於這個問題,Jezza有以下回應:

「行都唔係hea!你跑步需要堅持,我跑走都一樣需要堅持!」

「我當日跑渣馬時行住跑,都有人會眼望望。而當我行幾步又再跑番嘅時候,可能有人會覺得我懶勁。不過,只要幫到自己,都唔太介意人哋點睇!」

如果步行只是策略,如果步行就是為了跑得更快,跑得更遠,那我因為外人的目光,而強自己所難要堅持「跑足全程」,那就是我的心胸太過狹窄了。

我期待在往後的訓練,以及在渣馬全馬,可以參透更多這方面的道理。

更多:
Fitz.hk Facebook專頁
[步兵的自白] 跑走法.好很毒
[找數真漢子] 馬拉松之旅 由街馬DQ開始
行住跑馬拉松 時間可能更快?
Fitz Running 跑步