第八個必追或(even better)娶港 跑女的理由_f

男生FF一定係找一個好鵪鶉(定小鳥呀?) 的女生做女朋友,還要她死心塌地對自己。打個比喻就係,你約了她在匯豐銀行門口等,即使打劫銀行,發生槍戰都好,她都會企係度,等到你嚟為止。再講多次,這是Final Fantasy.

在一個台灣網站讀過跑步的女生更能犧牲奉獻,對愛情更忠誠。細讀下去,都唔係個回事。論證同結論都不夠強robustcausation見唔到,correlation都好勉強。

我會話港 跑女更懂得遷就和關心人,但我只有anecdotal evidence。我認識一對coupleYasmin同澤楷,女的玩路賽,男的玩山賽,男的玩山賽時,女的一定做support,相反,我未見過澤楷支持Yasmin。畀多少少人物資料先,Yasmin係爽朗愛運動鬼妹仔性格,澤楷係黑黑柒柒地盤工友。

有一年山賽做supportYasmin無買到澳牛茶餐,買了華星啩,澤楷可能血糖低加上無瞓過,發咗癲爆粗狂鬧Yasmin,仲把成份餐掃落地下,Yasmin就含著泡眼淚執垃圾。我地成班support都睇唔過眼,一起『小狗』佢。條癲佬仲叫我收聲,話佢教緊女。佢仲乘機發圍,話Yasminbig X partner L勁呀!買份常餐都攪唔L掂。

跟著一年,我地又做support,今次我同Yasmin晨咁早攞哂保溫瓶同盒去佐敦買早餐,光速咁快開車返去CP時,大家都拿口拿面,十足十去交贖金咁。去到CP時,放低份餐就即閃,好似 Walking Dead 裡餵喪屍一樣。條喪楷食完個餐,咀都未抺,就走過去攬著Yasmin,唔係講多謝,而係講對唔著,BB,舊年咁大聲鬧妳。超! 成年之後先道歉,你唔好再早啲! 不過,條女受咪得囖!

臨離開CP時,Yasmin好大聲同澤楷講,一路好走呀!

我問佢,阿嫂呀,妳知唔知幾時講一路好走㗎?

她問返我轉頭,幾時呀? 唔係依家咩?

你話港 跑女幾咁可愛呢! 你可以不愛上她們嗎?!

本文原載於Facebook群組長跑長友,已獲作者授權轉載

更多:
Fitz.hk Facebook專頁
第七個必追或(even better)娶港 跑女的理由
第六個必追或(even better)娶港 跑女的理由
第五個必追或(even better)娶港 跑女的理由
Yiu Kwong Chan@Fitz.hk
Fitz Running 跑步


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 跑步 Running > 第八個必追或(even better)娶港 跑女的理由